XOXO Café Lab (Closed)

九龍灣原來都有咁浪漫又咁韓嘅餐廳。而且環境都好岩文青朋友喔！餐廳地方寬敞，雖然位置比較入，但係都勝在夠靜。環境佈置都好文青，佈置得好似屋企咁。都幾Warm嫁！而電視就播下餐廳嘅菜式，有圖有真相！芝士豚肉韓式拉麵，呢個芝士好creamy。而韓國拉麵有少少辣味嘅，豚肉非常淋，全個配搭非常惹咪，中意芝士嘅朋友一定入迷。小食方面就推介呢款辛辣半雞翼配薯片。呢度嘅炸雞翼好唔同，炸雞皮係比較鬆化，唔係炸到實晒，同台式炸鹽酥雞近似，而雞肉係鮮嫩多汁的。