XOXO Café Lab (Closed)

小隱世台灣野食餐廳有小小fusion既，而且餐廳既裝修都好舒服🤗💁🏽‍♀️士林炸雞 HKD68炸雞不錯吃呀，而且仲有配奶酪蜂蜜薯片，份量都幾夠啦，最正既都係有6款醬揀，今次就揀左蒜香沙拉醬，非常好食😛蒜香係黑蒜香味，加埋炸雞果種香氣更重👍🏿💁🏽‍♀️鐵板芝士燒牛肋骨 HKD128芝士份量好夠呀，而且仲可以拉絲拉到尼個效果好誇張，不過好似好熟好固體咁，牛肋骨就好淋，係五成熟既程度，唔洗話好用力咁扯尼食🤤同埋仲有送薄餅可以就咁加埋d芝士食，最搞笑係成日一扯起塊薄餅就爛左😂整體尼講食物都幾有質素，而且仲好有個2人餐有4款野食揀都只係228蚊咋，真係超抵食😛不過真係好飽好飽好飽，抵食之選🤩

和朋友慶祝生日揀選了這間環境不錯的餐廳而且店名很吸引呢！整體而言，味道好吃！服務不錯，值得推介！但座位距離近，有點迫！而且不近地鐵站，行去九龍灣站要十至十五分鐘！

上open rice咁多年 就算有難食嘅野 都覺得接受到因爲我相信一分錢一分貨呢個道理⋯ 但今次真係忍吾到😧叫左紅燒排骨麵 佢話冇排骨 轉左牛肉⋯⋯一試⋯⋯⋯⋯⋯ 😧 嘩! 似係港式牛腩河， 不過係冇味超級淡嘅牛腩河⋯ 個湯底我形容為有少少味嘅湯水😓炸雞⋯ 冇乜特別，豪大大仲好食⋯個薯片 百街買一筒倒啲落去👍🏼呢個還好， 珍珠奶茶 冇乜特別， 係珍珠硬左啲⋯總括黎講，我以後睇open rice 會睇劣評⋯⋯ 呢間野咁多好評 究竟點黎？

不停被熊大投訴最近9篇食評都無熊大份，乍哂型喇！係咪以為熊大消失左呢？熊妹唔係無同熊大飲飲食食，係熊大無帶熊妹去食好西姐。所以今日由熊妹發板食熊妹想食的，今鋪實有熊大份喇！食啲另類少少的fusion 台灣🇹🇼韓國🇰🇷菜。《XOXO Cafe Lab》2015年開，開張時曾風靡一時，當時人頭湧湧都掀起一時熱潮，所以熊妹都一直都想去試下架。今日拉熊大去一齊試試喇。七點去到，仲有好多張枱，不過有啲掛住「留座」牌的。熊大熊妹被安排到一張二人枱坐下。都幾多款美食喎，韓國菜🇰🇷有鐵板芝士燒，年糕，蛋餅，比薩；台灣菜🇹🇼紅燒牛肉麵，饀餅，雪花冰，珍珠奶茶。仲有個呢度的招牌菜泡泡鍋飯。咁多款揀，選擇困難症的熊妹樣樣都想試啲，決定揀二人餐，咩都有啲。二人餐都幾抵架，$228，有四款食物，ABCD入面各揀一款，有泡泡飯有小食有鐵板芝士燒，仲包餐飲，真係咩都可以試勻哂。上菜次序好得意，由後居上。先上了BD款小食，B款熊妹點了七味燒燒魷魚筒🦑，D款選了墨西哥芒果雞肉沙律卷🌯，可能份量不多，所以一併上。燒魷魚筒比想像中細件，一啲都唔覺有燒烤過的味道，似係白恰再灑上七味粉，點會咁架？雞肉卷就正常味道，薄餅包起幾粒

可能因為分店位置比較小人去 所以依間分店好小人 星期六夜晚去食都唔多人 基本上唔使等即入座食物價錢方面都唔算太貴 食物質素同價錢都成正比 我叫左個鐵板芝士燒豬肋骨 同埋鐵板豚肉芝士拉麵 芝士可以拉到絲 鐘意芝士既會好開心 味道都唔錯 芝士控可以去試下 因為得兩個人食既關係 我地淨係叫左兩樣 見到其他人叫既飯同飲品都好似幾吸引 下次會再去試其他菜色 另外係服務方面 員工們好有禮貌 上菜速度都好快 成餐飯都食得好開心好滿足 環境都好好 值得一去

XOXO我已經食過幾次，剛剛開始的時候冇咩特別，但佢地不時轉餐牌，食物的品質都愈來愈好，可以再食的一間cafe。。。重點必食焗飯，我點左個田園野菜焗飯和牛柳焗飯，佢有番茄汁和芝士汁選擇。焗飯上面又有多多的芝士再加埋番茄汁超好味，牛柳好淋淋同好多汁。。。另外泡菜蚵仔蛋餅，好多汁，個味都好好。。。不過，份量真係好小，所以只係輕食。。。我地四個人食左兩個焗飯，一個芝士豚肉拉麵，一個蛋餅，一個小食，四杯涷飲，五百幾蚊，重點係好味但唔係好飽。。。

今晚約左好耐無聚聚舊同事食飯, 就一直上網搵下有咩好介紹喇, 因為依家好多餐廳都有限時, 都想坐得耐DD傾下計, 哈哈, 兩個女人仔傾心事又要唔好咁嘈又要環境好。幸福地比我搵到間淘大商場3樓, 個位都幾偏僻下XOXO Cafe。一入門口環境的確一流，而且人不多靜靜地, 全場裝飾都girly, 影相一絕。識點當然係叫套餐喇, 剛好2個人又唔洗諗, 而且都有幾款小食可以試, 不用想太多, 仲可以加少少錢換特飲tim珍珠奶茶: 雙色珠珠夠特別, 一款珍珠, 另一款係爆珠會有糖水流出, 不過珍珠就有點痴牙, 有步既空間 藍橘荔枝水果茶: 賣相不錯, 好似海洋一樣, 仲有我最愛既藍莓, 味道甜甜地有少少汽 。韓式炸雞拼鹽酥豆腐 & 芒果雞肉沙律卷: 韓式炸雞雞肉有點老, 鹽酥豆腐實在太油喇, 一口咬落去啖啖油, 比較好食就有芒果雞肉沙律卷小清新既口味, 再加上有沙律菜中和一下所有煎炸野既熱氣都算係咁。鐵板芝士牛肋骨: 本身一放低熱辣辣再點芝士都幾好味架，不過擺左大約10分鐘之後啲芝士就開始乾，面層油就浮現左，怕肥嘅我當然唔敢再食落去，所以好野應該趁熱食。海鮮泡泡鰻魚鍋飯: 呢個賣相的確好吸睛，有

這天是放工後，我約了朋友出來淘大聚一聚和吃晚餐，經家人介紹，我們決定來到這間台式餐廳試一試，店內環境寬敞和清潔衛生，而門外餐牌上食物的選擇很多，價錢也延合理，店內的客人延多紅燒牛肉麵($68)香稔軟嫩的牛肉，十分軟彈煙韌的麵，份量非常多，非常抵食，餐廳亦十分細心，湯同麵分開上芝士忌廉菠菜雲吞年糕($72)細碎的紅椒絲，十分濃郁的芝士忌廉汁，這個配撘非常特別，新鮮爽口的菠菜，包到像雲吞的年糕，非常軟彈煙韌，整體份量十分多鐵板豚肉芝士拉麵($72)爽口微彈的菇，黏口的雞蛋，濃郁的芝士，爽彈鮮美的豚肉，軟彈煙韌的拉麵，份量非常多鮮蚵仔泡菜蛋餅($62)酸甜的千島醬，新鮮的蠔，海水味比較淡，人們較容易接受，爽口微辣的泡菜，厚身的雞蛋，十分豐富，份量十分多熱洛神雪梨茶($48)洛神有寧神的作用，雪梨可以潤喉和清甜，十分健康，還可以添飲，十分抵飲整體來說，食物的選擇十分多，食物的質素很高，食物的用料十分新鮮，食物的份量非常多，食物的定價相對延合理，食物是即叫即製的，所以食物的温度很高，十分有誠意，店員有良好的服務態度和有禮貌，因此我認為這間餐廳值得再去惠顧

呢間個名幾搞笑，xo 令我諗起黑白色既卡通公仔，就係咁俾佢吸引入左去，仲寫住嘆午餐有哈根大師食添午餐牌大大張，仲有好多野食入面設計時尚，有d位置私隱度都幾高靜靜地兩個人傾下計又得野食方面，炸雞同薯片夠哂香口，配埋個醬，鍾意食甜既朋友可以點多d，你一定會愛上呢個醬超邪惡既原隻魷魚，切成一小圈，上面有好多七味粉，魷魚輕輕一燒，香味自然出哂黎個芝士拉麵實在太邪惡啦，芝士醬夠哂多，麵就用韓國拉麵，仲有辛辣既味道，海鮮就有蝦，魷魚等等蛋餅都幾大個，面層有d辣醬最驚喜係個三文治，砌得好靚，有三層厚脆多士，最頂層係以蛋做主題，蛋白打到起哂，形成泡狀，中間係橙黃色既蛋黃，下面就夾有雞肉、洋蔥等等雞扒炸至乾身黑蒜味超濃最後仲嘆埋杯奶茶

因為剛逃離了學校的考試，便相約朋友在九龍灣一帶逛逛街。😆下午時，我們在openrice search 到了這間排名頗高的餐廳，是吃fusion菜的，加上它位於淘大廣場中，位置方便，便決心嘗試一下😂它位於taste 的上一層。我們大概1點到達餐廳，但不知是否因為平日的關係，餐廳只有幾枱客人🤔有些服務員還清閒得按手機打發時間呢🤣打開menu發現fusion的菜式跨度不大，限於日韓台😅我們首先分別叫了兩杯沙冰😎朋友的香蕉朱古力沙冰幾軟滑，朱古力味頗濃，香蕉片有大概4到5片。我點的類似是莓味沙冰，雜莓數量還可以，十分清新。🍹另外我們還點了一個鐵板肥牛拉麵和韓式紫菜汁年糕，味道一半。拉麵的份量少，肥牛也只得幾片，味道沒有驚喜😕而年糕不夠軟，偏硬，紫菜汁味道不錯，但價錢偏貴。整體而言，環境尚算清靜，性價比中等，但可以試試它們的沙冰😛

今日與朋友相约於淘大商場，一間比較徧遠的餐廳食晚飯，到店時客人尚小，很快就安排入坐卡位，感覺很寬敞，環境氣氛很像台灣食店， 打開menu發現甜品嘅一頁非常吸引， 決定點夏野莓巧克力親親， 另外再點了一杯冰鴛鴦珍珠奶茶及煙火腿番茄比薩， pizza嘅皮又薄又香非常爽口， 冰鴛鴦珍珠奶茶放入了兩款不同的珍珠，感覺很特別， 最後令人最吸引嘅甜品由店員送到我們的眼前， 甜品的外表被一陣濃厚嘅棉花包圍，由中間打開棉花，發現入面有很多士多啤梨汁，底下放滿朱古力醬，再配上一個士多啤梨軟雪糕，真係食到不停口，非常感動。而且店員亦非常细心，不停收拾餐具，相信有機會會再去。

約友人於淘大晚餐, 見這店的食照頗美, 今天特意來一試此店離MTR 有一點距離, 入商場后要再內進才找到. 店內環境不錯, 由於時間尚早, 可以坐卡位, 正. 望入店內的感覺很舒適. cafe 裝潢給人感覺很適合傾下計hea 下.食物種類多款. 台式韓式主菜, 甜品及多款飲品一行2人選了煙火腿蕃茄pizza, 鹽酥雞件, 甜品strawberry chocolate 親親, 珍珠奶荼同埋apple green tea.坐下一會飲品便到手了. 珍珠奶荼, ice apple green tea個人覺很ice apple green tea 值得下次再飲. 味道剛剛好. 第一道上台既 鹽酥雞件, 大大碟, 好味, 沒想到還附有小小salad菜, 如果再熱點便超正然后Pizza 便來了. 芝士來時很熱很溶. 這個很不錯. 芝士很熱, 食第一件時很好味食到約2/3 時其實也頗飽了. 果然大大碟呀.最后上埋甜品 strawberry chocolate 親親,一來時外皮好靚, 好吸引. 切開了外面超甜既外套, 里面全是很脆的包塊, 加上碟底的朱固力醬同埋冰冰的strawberry ice cre

母親大人早前話見到淘大商場有一個由房委會搞嘅展覽，話想懷念一下以前佢住嘅環境，於是就陪左佢出黎行下，行完之後見到有間餐廳個名幾得意就入左黎試啦門口整得好靚呀極邪惡嘅韓式芝士拉面，不過芝士就稍微有D 稀，做唔到拉絲嘅效果，呢樣有少少失望。新鮮炸起嘅炸雞配埋黑蜜汁薯片本身上面亦都淋左少少蜜糖蚵仔泡菜蛋餅蛋味幾濃，蚵仔都幾大粒七味燒魷魚雞肉及煙腿三文治--- 呢個三文治唔單只吸睛，一上枱已經令我地即刻拎相機出黎而且味道亦算唔錯，多士烘得好脆，而且仲用左蛋黃醬取代牛油，更加健康。(由上而下第一層係蛋白，第二層係雞肉，最下一層係火腿。)總括黎講，呢間cafe 都做得唔錯。

臨時起意，約左6個朋友一齊食飯，見到哩間鋪頭唔使排隊就入左去啦。服務態度啊，成個食飯過程我都覺得非常麻麻成棚人坐左幾分鐘都無menu，由於我地都好肚餓，就不斷揮手想要menu，無人留意我地，叫左幾聲都唔理我地，見到有個系度玩手機，其他人都無咩 做，直接忽略我地，之後我朋友自己起身去拿menu，先有人放低手機理下我地。首先我地叫左個4人餐，因為好多我地想食的都系套餐入面套餐入面應該是這麼多了，腫有4杯野飲，其他飲品我唔知，我點左杯荔枝綠茶，甜到爆炸。套餐食物整體黎說，我就覺得一般啦，蝦卷好味，鰻魚飯都唔錯，其他一般啦。以為套餐炸豆腐唔夠食，另外再叫左一個豆腐，一般般蛋餅好味啊餡餅都唔錯埋單時，職員態度都一般最印象深刻的就是服務水平啦

士林炸雞 (黑胡椒)$68炸雞係我呢一餐覺得最好味嘅食物雞皮夠熱夠脆，雞肉亦都算幾大件，而且都唔會覺得乾爭爭；而伴碟嘅薯片我覺得都幾有驚喜，薯片上有d蜜糖，好似為呢份炸雞薯片帶嚟一d滋潤嘅感覺，入口特別舒服濃湯牛肉麵 $68湯係另上嘅，自己鐘意加幾多都得 （我冇問到店員濃湯係用咩食材製成，但係我自己覺得有d似金寶蘑菇湯+松露嘅味道，幾香幾特別，入口都好滑）；牛肉煮得好軟，份量亦比預期中嘅多，而隻糖心蛋都整得好好，蛋味濃，半熟嘅程度亦都係恰到好處。鐵板芝士燒韓國拉麵(豚肉)$72鐵板送上嘅時候仲好夠熱，芝士份量亦都足夠撈晒成個拉麵，最鐘意係佢嘅麵質，夠彈牙，唔會話撈完之後入口會覺得食緊一pat嘢咁。