Video
Read full review
2021-08-07
1153 views
餐廳：Major & Minor (灣仔)地址：灣仔軒尼詩道41-49號香港灣仔睿景酒店地舖喺香港呢個地少人多嘅地方，擁有住多元文化，成為今時今日嘅國際化城市🇭🇰。其實Majority同minority兩種人喺好應該並存，因為人人平等，我哋唔應該為著一方嘅利益而剝削或者打壓另一方，甚至我哋要為到少數嘅人去發聲，爭取佢哋嘅權益💪呢個道理同音樂一樣，Major and Minor keys不可缺少，先至可以組成悅耳動聽嘅樂章🎼，而呢個亦喺灣仔新開音樂主題Cafe——Major & Minor嘅理念🫂，店內仲有一部電子琴呢🎹，希望下次有機會聽到高手彈奏一曲🤪聽店員介紹佢哋嘅Cake喺匡智會一班智障人士整嘅🍰，老闆希望比佢哋有一個自力更生、工作嘅機會，同時有一個餐廳平台比佢地能夠展示自己嘅才能，真真正正體現到餐廳「Walk in Sympathy」嘅理念🥰，不過早餐就唔食cake喇🤣，留返下次今次同幾個朋友嚟食早餐🥣，Breakfast Menu有A Major到F Major六個選擇，多以健康食物為主，價錢由$38至$68，加$33可以有一杯special drink，$23有一杯coffe
地址：灣仔軒尼詩道41-49號香港灣仔睿景酒店地舖
喺香港呢個地少人多嘅地方，擁有住多元文化，成為今時今日嘅國際化城市🇭🇰。其實Majority同minority兩種人喺好應該並存，因為人人平等，我哋唔應該為著一方嘅利益而剝削或者打壓另一方，甚至我哋要為到少數嘅人去發聲，爭取佢哋嘅權益💪
呢個道理同音樂一樣，Major and Minor keys不可缺少，先至可以組成悅耳動聽嘅樂章🎼，而呢個亦喺灣仔新開音樂主題Cafe——Major & Minor嘅理念🫂，
店內仲有一部電子琴呢🎹，希望下次有機會聽到高手彈奏一曲🤪聽店員介紹佢哋嘅Cake喺匡智會一班智障人士整嘅🍰，老闆希望比佢哋有一個自力更生、工作嘅機會，同時有一個餐廳平台比佢地能夠展示自己嘅才能，真真正正體現到餐廳「Walk in Sympathy」嘅理念🥰，不過早餐就唔食cake喇🤣，留返下次
今次同幾個朋友嚟食早餐🥣，Breakfast Menu有A Major到F Major六個選擇，多以健康食物為主，價錢由$38至$68，加$33可以有一杯special drink，$23有一杯coffee☕️
✝️A MAJOR 輕食全日早餐 $68
我食嘅呢個All Day Breakfast有雞胸火腿片2塊、炒滑蛋、茄汁豆、日式竹炭多士配牛油果醬、士多啤梨同蕃茄沙律菜🥗，最特別緊喺個牛油果醬竹炭多士同雞胸火腿片啦😌，雖然個火腿片就咁食有啲鹹，但夾埋多士一齊食又幾match喎衰鬼👻
✝️B MAJOR 營養全穀物燕麥碗 $68
呢個燕麥碗用咗奇亞籽、蜂蜜🍯、合桃、乳酪、麥皮、奇異果🥝、士多啤梨🍓、芒果🥭、提子乾同又貴又靚嘅食用花去整🌸，
除咗夠colorful賣相吸引，仲好健康，啱晒on緊diet嘅女士或者想瘦身嘅男士🤩
✝️C MAJOR 太陽蛋三文魚早餐班戟 $58
兩層烘煎過嘅pancake夾住厚厚嘅三文魚、芝士🧀、厚蕃茄🍅同生菜🥬，面頭有一隻煎得好靚嘅太陽蛋🍳，再用青瓜沙律伴碟🥗，成個pancake有接近10cm厚，相信食完會非常飽肚👍
✝️D MAJOR 黑魚子煙三文魚海葡萄有機全穀物藜麥沙律 $58
用咗珍貴食材黑魚子，加上有綠色魚子醬之稱嘅爽口海葡萄，配埋煙三文魚同有機藜麥沙律🥗，簡單而不俗，
值得一提海葡萄喺香港好少見，亦唔喺好多地方出產，一般嚟自菲律賓、馬來西亞同日本沖繩，喺一種比較貴嘅海產
我飲咗杯double shot latte(+$23)，由咖啡師朋友親自沖比我飲果然喺唔同啲，so sweet🥰，啲拉花真喺愈嚟愈靚，
朋友就叫咗杯Kyoto Premium Matcha Latte(+$33)，
用日本丸久小山園嘅青嵐京都宇治抹茶粉沖調，不過記得攪勻先好飲啊😛，唔知呢到有無朋友喺抹茶控呢🍵？Post
