Video
Read full review
2023-07-04
762 views
午飯時正上網搵緊有咩好食無意中睇到一條解體金槍魚的YT片，即刻流哂口水，諗起附近有壽司狼，於是走上去諗住買吞拿魚腩壽司外賣。點知上到去乜到有，係無吞拿魚腩，頂佢! 作為一間可以話係世界上最大的壽司連鎖集團，竟然連金槍魚腩壽司都無，簡直係侮辱緊自己個招牌。我個人係唔會妥協，無想食嗰樣就寧願唔食，於是就咋咋諗上網另覓地點。搵到5分鐘步程裡面仲有一間叫"海膽屋"嘅刺身店，即管去望望先。去到門口以為係只賣外賣，但入去睇下竟然係可以堂食喎，咁就睇下有咩心水先。由於當時我係好想食金槍魚，於是集中睇下有咩海鮮丼有金槍魚，發覺原來唔多，佢地啲丼飯主要都係三文魚，於是就揀左一客挪威三文魚拼金槍魚丼，$98連味噌湯。買完飛搵位坐低等食就可以，店員會送餐到你位置。賣相係唔錯嘅，醋飯底質略為粘及實但味道剛好。三文魚及金槍魚各四片，大細厚薄適中都算對得住個價錢，另外仲有兩件假蟹柳，點綴作用大過滿足味蕾。金槍魚以呢個價錢就當然只會係赤身，但我其實都中意食赤身所以無所謂，新鮮就得。不過呢度的赤身質素只係一般，不論味道同鮮度都只算普通質素，但一大片啪入口用來頂癮，都總算可以達標。反而挪威三文魚質素唔錯，夠肥美新鮮，沾
無意中睇到一條解體金槍魚的YT片，即刻流哂口水，諗起附近有壽司狼，於是走上去諗住買吞拿魚腩壽司外賣。點知上到去乜到有，係無吞拿魚腩，頂佢! 作為一間可以話係世界上最大的壽司連鎖集團，竟然連金槍魚腩壽司都無，簡直係侮辱緊自己個招牌。
我個人係唔會妥協，無想食嗰樣就寧願唔食，於是就咋咋諗上網另覓地點。搵到5分鐘步程裡面仲有一間叫"海膽屋"嘅刺身店，即管去望望先。
去到門口以為係只賣外賣，但入去睇下竟然係可以堂食喎，咁就睇下有咩心水先。由於當時我係好想食金槍魚，於是集中睇下有咩海鮮丼有金槍魚，發覺原來唔多，佢地啲丼飯主要都係三文魚，於是就揀左一客挪威三文魚拼金槍魚丼，$98連味噌湯。買完飛搵位坐低等食就可以，店員會送餐到你位置。賣相係唔錯嘅，醋飯底質略為粘及實但味道剛好。三文魚及金槍魚各四片，大細厚薄適中都算對得住個價錢，另外仲有兩件假蟹柳，點綴作用大過滿足味蕾。金槍魚以呢個價錢就當然只會係赤身，但我其實都中意食赤身所以無所謂，新鮮就得。不過呢度的赤身質素只係一般，不論味道同鮮度都只算普通質素，但一大片啪入口用來頂癮，都總算可以達標。反而挪威三文魚質素唔錯，夠肥美新鮮，沾少少醬油芥茉
一啖魚一啖飯，成件事係滿足嘅。
挪威三文魚拼金槍魚丼
$98
176 views
0 likes
0 comments
總括黎講，如果忽然想食普通刺身丼，海膽屋都算係呢區的一個唔錯選擇。
已經諗定下次如果忽然想食海膽的話，一定會翻兜呢度試試。
Other Info. :
見有人話收銀態度差，我又唔覺，買完飛一坐低佢就埋來幫我抹左檯先，起碼無hea做。後來見佢仲同個小朋友有講有笑。
(The above review is the personal opinion of a user which does not represent OpenRice's point of view.)
Post
