富臨飯店阿一鮑魚

Open Now

Now Closed

Item: Forum Restaurant
Rating: 5
Author: Manmanfung888

Forum Restaurant

4.5

75 Reviews

Taste

Decor

Service

Hygiene

Value

7607

Causeway Bay

Above $801

Guangdong Fine Dried Seafood Meatless Menu Stir-Fry Salt & Sugar Reduction Restaurant

Info:
Restaurant:	Forum Restaurant

To promote a new salt and sugar reduction (RSS) dietary culture and living style to the people of Hong Kong, the Environment and Ecology Bureau, the Committee on Reduction of Salt and Sugar in Food and the Centre for Food Safety of the Food and Environmental Hygiene Department have launched the "Less-Salt-and-Sugar Restaurants Scheme" ("Scheme"). Restaurants participated in the Scheme will offer less salt or sugar options to the consumer or even tailor-make less salt or sugar dishes in designated restaurants. Participating restaurants will be granted with the Scheme Labels for displaying in the premises for public identification. For details, please click here: https://www.eeb.gov.hk/food/en/committees/crss/restaurants.html

Manmanfung888

Level4

292

Read full review

喺帶大家進入呢一間近年米芝蓮拎星既速如坐咗火箭🚀的餐廳前，先向大家說明這篇食評所有標準都以最高階餐廳殿堂等級作評論，故相對其他食評會嚴苛頗多！始終我哋而家將會介紹嘅，亦正正係香港餐廳食物鏈頂層的 - 富臨飯店
.
“三星中菜廳，卓越的烹調，值得專程到訪。”米芝蓮指南 - 能被米芝蓮指南評為全香港只有七間的三星級推薦餐廳，定有其獨特過人之處，餐廳裝潢豪華而帶優雅感，牆上嘅字畫同窗邊嘅青花瓷應記一功。環境在米芝蓮三星水平來說亦算可以。
.
我和食伴預約了晚上6時，剛剛到埗後侍應已熱情招待我們，對我哋今晚接下來有嘅食物同埋酒單都有好好嘅介紹，值得一讚👍🏻既係服務員感覺上無其他高級餐廳出黎既距離感，反而多左份溫馨親切感。同時富臨飯店嘅酒單呢日都值得一提的，因為好少有一間中菜廳擁有咁龐大優質嘅酒單同埋待酒師，佢正正係呢一群稀有群組。飯店的服務水平及酒庫確實好得無可挑剔。
.
接下來帶大家睇下我哋當晚食嘅晚餐有咩特色同埋優缺點先。
🌟🌟🌟米芝蓮三星套餐 FORUM THREE- MICHELIN- STAR SET MENU
.
🦀百花炸釀蟹鉗 Deep- fried Crab Claw Coated with Minced Shrimp
百花炸釀蟹鉗可以話係出去飲既常見菜色，大廚係呢味餸菜入面使用加拿大松葉蟹🦀，再把新鮮蝦肉🦐經反覆手撻至起膠，出黎既成品金黃香脆，鮮香、嫩滑！同以往食過嘅釀蟹鉗係有天淵之別。係一味令你食過返不到轉頭既菜式。
.
🥣原盅佛跳牆 Double-boiled Buddha Jumps
佛跳牆呢一道名菜可以稱得上源遠流長，喺食富臨飯店幾多種佛跳牆之前我對佢真係甚有期望，詢問餐廳嘅侍應得知呢一味既佛跳牆使用左魚翅、遼參、瑤柱、花菇、豬蹄根、魚肚、雞腳、竹笙共八款食材，並改用了粤菜的雞湯熬製，但係唔知係咪正正係因為用咗粤菜的雞湯熬製呢個原因，缺失左原版屬於閩菜既佛跳牆既多層次風味，喺佢用料咁上乘嘅情況下，總感覺湯底真係唔夠喉(同時整晚有另一道菜都係使用接近呢個雞湯既風味，不是稱雞湯不好喝，而是令人感覺口味重複😔，以三星餐廳既餐單設計水準而言，望能更進一步)
若然大廚使用有蠔油、冰糖、芋頭、紹興酒、薑片、蔥段、生油傳統佛跳牆的版本，相信我會更為滿意。
.
🍽阿一鮑魚扣鵝掌伴唐生菜(日本吉品38頭) Braised Ah Yat Abalone with Goose Web and Vegetable (Japanese Yoshihama 38ppe Abalone)
整個套餐之中重點嘅重點，阿一鮑魚既名氣可說是整個香港人都無人不曉，甚至名揚海外。咁小妹當然亦都對呢一度菜嘅期望係極大極大，幸好呢一味菜係可以話係完全無令到我失望，阿一鮑魚天下第一，果然名不虛傳🏆大廚選用日本岩手縣的38頭鮑魚，再用火腿、鵝掌、排骨、老雞扣煮四天，將溏心鮑魚發揮得淋漓盡致，柔韌彈牙、醇馥濃郁，黏糯而軟滑煙韌，鵝掌燉煮得肉骨分離，甘香嘅膠質令到人一而再，再而三咁「骨都吮埋」。
話說不知大家知唔知溏心是指什麼🤔其實溏心是指鮑魚經乾制、漲發後，將其煮至中心部分黏黏軟軟，鮑魚中心部分呈不凝結的半液體狀態，入口時質感柔軟有韌度，有如軟心糖一般的口感，每一口咬下去都帶有少許粘著牙齒的感覺，如同年糕一般。可以說鮑魚一定要溏心才是上品。
最後有一個好大既加分項就係佢又好貼心咁預知到我地係食咁好食嘅鮑魚同鵝掌時，呢啲咁靚嘅鮑魚汁，真係會令人好想黎返口飯，送了一羹絲苗白飯🍚比我哋更加好咁去細味層次豐富分明嘅鮑魚汁。
.
🦐花雕蛋白蒸龍蝦球Steamed Egg White with Lobster and Yunnan Ham
這道菜非常特別，主角非但不是貴價的龍蝦球，反倒是平常的不能再平常，平價得不能再平價的蛋白！是蛋白完全吸收了龍蝦的精華、花雕香味，口感嫩滑、細潤如脂。真讓人回味無窮，意猶未盡。反而剩下來的龍蝦有點在完成了他的歷史任務後，存在感變得有點雞肋。
.
以上都餐單的前半部分都可以說是讓我相當滿意，只可惜接下來的
🦆富貴扣鴨 Braised Duck with Taro 、🥣鮮菇雲耳浸鮮淮山 Poached Fresh Yam with Tomato and Fungus in Supreme Soup 、🍜魚子蔥油撈麵線 ce Noodle with Caviar and Spring Scallion Oil
這三道菜不得不說確實在前面那麼多道精彩的菜式面前有點讓人失望透頂☹️並不是其在烹煮上有什麼失誤，而是沒有什麼讓人驚豔的記憶點，選用的食材上也讓人有點覺得「僅此而已？」的感覺。反倒讓我希望可以張三道菜變為一道更讓人滿意的菜式的話會讓我們對餐廳評價更高。
.
🍐陳皮燉雪梨及 🥄燕窩馬豆糕
老實說陳皮燉雪梨小妹並不喜歡，一、陳皮味可說是聊勝如無而已。二、毫無特色出彩之處。而燕窩馬豆糕則用料毫不吝嗇，燕窩可說是肉眼可見的多，估唔到原來燕窩配上馬豆糕係會咁「登對」，甜品分數可話係一個天一個地！
.
套餐以外Add-On
🐷陳皮糖醋肉
選用每天新鮮來貨的梅頭肉製成，口感彈牙且酥軟，實在係精彩絕倫！係完全想像唔到一道會讓人以為平平無奇嘅一道菜到底點解可以煮得咁好食！？小妹才疏學淺，想不到如何形容此人間美味給大家聽，真係十分推薦大家過嚟試呢一道菜🌟
.
🍚阿一炒飯
亦都係富臨飯店嘅一道招牌菜，白飯、蛋、蝦仁、瑤柱、叉燒、蔥花，經過砂鍋去匯集成呢一度阿一炒飯，雞蛋沒有過嫩或者過老的情況出現，整碟米飯呈現出一種誘人的金色。整碟飯炒得相當乾身，當然呢啲你可以話係高級中菜廳嘅基本，但係呢一道阿一炒飯，我可以話係是對舌頭同牙齒的一種全方面的享受。香氣怡人，使人有一種不可阻擋的食慾，讓人有一種忍不住想大飽口福的衝動。
.
總結
成餐飯我都有咁嘅感覺，就係富臨飯店既風格係將好多我哋平時經常性會食到、基本上你以前都係會食過嘅，餐廳風格係將傳統既美食做得盡善盡美，反之若然了論創新程度可說是欠奉，但係呢樣係餐廳嘅風格並無優劣之分。其實餐廳嘅整體水平係相當高，但係經過呢一餐飯後，以小妹的口味以言我並不推薦呢一個版本既米芝蓮三星套餐，若然又好想來訪試下富臨飯店嘅水平的話，小妹建議可以散點自己喜歡嘅菜式，過嚟試下佢嘅招牌菜！我地亦好好彩，來前已做好資料搜集，知道富臨飯店的招牌菜是什麼，有在套餐以外Add-On,不然就此錯失兩道美味。希望呢篇食評幫到你做到參考啦～