Video
Read full review
2021-10-11
52 views
深水埗一帶有好多穩世小店，最近發現有間香港懷舊工業風嘅新開文青Cafe - 順流精品咖啡，趁放假就入去嘆咖啡放鬆一下。因為見到餐牌有Hotcake，要留少少空間俾甜品，主食淨係叫咗蒜蓉菠菜雜菌青醬意大利麵同煙三文魚手工Bagel。烘到剛剛好嘅手工Bagel外層香脆、內裡煙韌，玫瑰花造型嘅煙三文魚肉質鮮嫩，帶有微微煙燻嘅鹹味，夾層新鮮沙律菜份量亦非常足料，口感豐富。蒜蓉菠菜雜菌青醬意大利麵則蒜蓉比例偏濃，青醬味較少，麵身彈牙唔會好油膩，配上菠菜同雜菇，係健康輕食嘅選擇。飲品叫咗一杯3 Mixed(三溝)同Expresso Tonic。🍵3 Mixed(三溝)由鮮奶、抹茶、香醇咖啡混合而成嘅特飲，因為加入濃陏嘅宇治抹茶，以香滑鮮奶作為調和，冇想像中咁甜，口感仲好細滑柔順。☕Expresso Tonic將濃縮咖啡倒入冰凍嘅本地製Tonic Water，奎寧、陳年陳皮同本地有機檸檬混合而成嘅獨特風味，加上檸檬果皮嘅清香，整杯Expresso飲落有種特別嘅回甘，淡化咗濃縮咖啡嘅苦味，更容易入口，而且咖啡嘅油脂包藏喺Tonic Water氣泡入面，令咖啡既柔滑又清爽，好適合香港炎熱天氣。兩杯偏甘苦
因為見到餐牌有Hotcake，要留少少空間俾甜品，主食淨係叫咗蒜蓉菠菜雜菌青醬意大利麵同煙三文魚手工Bagel。
烘到剛剛好嘅手工Bagel外層香脆、內裡煙韌，玫瑰花造型嘅煙三文魚肉質鮮嫩，帶有微微煙燻嘅鹹味，夾層新鮮沙律菜份量亦非常足料，口感豐富。
蒜蓉菠菜雜菌青醬意大利麵則蒜蓉比例偏濃，青醬味較少，麵身彈牙唔會好油膩，配上菠菜同雜菇，係健康輕食嘅選擇。
飲品叫咗一杯3 Mixed(三溝)同Expresso Tonic。
🍵3 Mixed(三溝)
由鮮奶、抹茶、香醇咖啡混合而成嘅特飲，因為加入濃陏嘅宇治抹茶，以香滑鮮奶作為調和，冇想像中咁甜，口感仲好細滑柔順。
☕Expresso Tonic
將濃縮咖啡倒入冰凍嘅本地製Tonic Water，奎寧、陳年陳皮同本地有機檸檬混合而成嘅獨特風味，加上檸檬果皮嘅清香，整杯Expresso飲落有種特別嘅回甘，淡化咗濃縮咖啡嘅苦味，更容易入口，而且咖啡嘅油脂包藏喺Tonic Water氣泡入面，令咖啡既柔滑又清爽，好適合香港炎熱天氣。
兩杯偏甘苦嘅飲品當然要有甜品衝擊，等咗20分鐘就有得食嘅Cofflow Hotcake順流熬鬆餅黎喇🥞💛
二人份即叫即製嘅熱鬆餅外層焗到脆卜卜，內裡海綿夾心香軟蓬鬆，熱鬆餅香濃蛋香配上甜而不膩嘅雪糕，大量香脆堅果同新鮮莓果，賣相精美之餘，味道層次非常豐富。
Post
