品潮軒 (Closed)

上星期ad-hoc提出預早慶祝食父親節飯，再因為就細妹放工既關係，選址九龍城食飯。 選九龍城，直接聯想到泰國菜，但父親節總係覺得係茶樓格局比較合適，㩒下望下OpenRice見到「品潮軒」，相片並唔多，餐牌亦冇人upload上OpenRice，望咗幾遍食評，講到幾正宗，所以就向屋企人推介。「品潮軒」位置唔起眼，絕對適合走高價路線，吸引附近高尚住宅區既食客！基本上係係富豪東方附近。落柯打，叫咗：1. 滷水併盤：入味，又唔係好鹹。墨魚好耐冇食，都唔un噃，仲有好鵝。2. 石榴雞：包住雞粒、筍粒、肉粒，仲有個蛋白獻，清清地，餡料豐富，不錯。3. 甜酸蝦碌：炸粉好薄，蝦肉爽口彈牙，食完一啲都冇邪惡感👍🏻仲有三色椒伴碟，都好健康。4. 芹菜炒龍躉球：龍躉球啖啖肉好正，加埋芹菜中和油膩感。5. 潮式炒二面黃：乾身彈牙既二面黃，配合九菜、芽菜、肉絲，好好味。老公第一次食話：咩黎？！（鄉下仔😆）咁好食嘅！6. 水瓜洛餅：唔想成日食蠔餅，叫咗個水瓜洛餅，佢係煎唔係炸，食落較健康，有少量蝦肉添，yummy。