品潮軒 (Closed)

我哋今日嗌左四個原蛊雞燉包廠翅，味道不錯，另外一個酥炸蝦棗同蟹棗雙併，份量比較少，反而檸檬蒸烏頭魚幾好味不過得半條，完整一條會比較好，而方魚炒芥蘭份量較少，而椒鹽九肚魚嘅魚身太淋，缺乏鑊氣，仲叫咗個香煎蠔仔烙但係啲好有沙，潮州炒麵咗略嫌冇乜味…

今日家中長輩生日，正宗潮州人，打算帶佢嚟食餐好嘅。我自己一個先到話轉頭先嗌茶，但個阿姐都係自己上咗壺鐵觀音話唔啱可以換(懷疑佢地自己沖多咗格硬俾我地🙄)結果出嚟就係唔好飲好澀。我地嗌咗以下幾樣嘢 ：1. 滷水鵝拼盤 - 一般，滷水唔入味2. 梅羔醬燒鱔球 - 有泥味3. 脆皮鮮蠔卷 - 好食，又脆又鮮4. 鮮蝦水瓜烙 - 好多粉，搞唔掂5. 欖仁肉碎四季豆 - 雖然偏鹹，但肉碎係肉片切碎幾好食埋單800幾淨係收現金，明明openrice講所有付款方式都收，訂位嘅時候又唔提個客，結論唔會再幫襯。

之前外賣幾次，鹵水拼盤、烏頭也不錯，味道幾好。今次試吓堂食，點知失望而回。食物非常一般，凍蟹$50/兩，正常價，肉質ok, 但完全無蟹味，翅$498一位配鹵水拼盤例牌，翅ok, 鹵水不錯，鵝肉少少un, 但也可以, 幾入味，最好味係白粥同芋泥，芋泥正宗，加豬油，香滑又不太甜，最奇怪係拎單來才說只收現金，問萬一唔夠現金點算，佢無答，幸好身上夠現金，佢又話舖頭要現金找數比人，幾有趣⋯⋯外送比外賣好味，更加奇怪

之前都嚟過幾次，今次有啲時間就寫個review😛晏晝2,3點無咩人幾好坐，環境都好衛生，侍應有禮貌，幫我哋用熱水洗餐具、碗同杯，都幾好服務。不過一入到去就叫我哋用安心出行，都係我哋自己拎紙寫名算啦。同埋有送到功夫茶，好濃幾好飲！仲有一小碟前菜，有豆卜、菜甫同瘦肉，個調味幾好食，我食哂成碟haha😂今次食咗蠔餅、蠔仔粥、糖醋麵💁🏻‍♂️蠔仔粥最好食，啲蠔仔有大有細，個粥底鮮甜，下次嚟都食繼續叫呢個😋

首先我們預約的時候是有叫留翅然後再叫佢hold住不留了 到時再算坐低點菜老闆娘話我哋已經留咗翅咁朋友都話留咗就照上啦然後點其他菜這基本上是我吃過潮州菜之中最不好吃的，這麼多道菜之中沒有一道好吃。凍蟹收費貴，但蟹肉好淋、感覺梅梅地、不新鮮，蟹醋徧鹹。煎蠔餅 - 非常一般大包翅 - 翅湯沒有味道滷水拼盤 - 鵝片鵝腸都一般ja炒芥蘭是全晚做得最有水準的一道菜沒有大眼雞只有烏頭，水準也一般今晚分了兩台、共十一人，埋單人均$1600 ，只此一次下不為例。

為了遷就 bb 作息時間，我地4大1 b 決定去 bb 屋企附近既品潮軒食 lunch。午時食客不多，不用 book 位。店內環境舒適，空間感都ok。服務員態度幾好，反應快。朋友打骰，竟然叫咗6餸1炒麵，又要打包了。。。。1. 鮮蝦水瓜烙：幾清，無油膩感，蝦5多，但每片都一定至少有一粒2. 蠔餅：蠔仔算大粒，味道ok，但感覺水瓜烙好味d3. 鹵水拼盤：食材款式多，但鹵水味太淡4. 帶子芋泥丸：好味呀! 帶子粒夾芋蓉，雖然係飽滯一點，但很少機會吃到5. 椒鹽鮮魷：跟我平時吃的有分別。這裏的口感似咸蛋黃反沙做法，幾特別6. 雞：嫩口又入味，幾好7. 三鮮炒粗麵：配上醋+豉油，但都係麻麻服務員會不停加水，好適合吹水飯局。吹咗2小時多，最後打包咗2盒野，5好做大嘥鬼~埋單$1,111

好多年無食過一次正宗的潮州菜啦，今天特登同屋企人走入美食之城九龍城，到品潮軒試一試。叫咗隻大花蟹，幾足秤，夠哂大，但無蟹味，欠咗蟹個種鮮甜，有點失望。 第二道菜， 胡椒豬肚湯，胡椒味太重 辣到大朋友小朋友都喝不下去。再試試潮州菜的主菜滷水拼盤， 鵝肝、鵝腸全部都好足料，夠大碟，但滷水卻不夠味，令拼盤唔夠入味，略嫌失色較好的推薦是石榴雞，這個真的吃到潮州的味道埋單每人400蚊，價格不是大問題，但吃不到潮州味有點失望。

小友人在過一陣子就要遠赴外地進修，今天就約了鄧sir及一位同事跟他出去吃個飯來當成餞別宴。鄧sir一向愛吃潮菜，所以就選了在此吃一頓。小友人是鄧老師的徒弟，對此當然沒多大反對....店內午市有提供一個商貿套餐，四人用的要賣至接近五百大洋，是正常的價位收費。始終這兒是走偏高檔路線的，收這樣的價錢亦是理想當然....先吃點鹽水花生及椒醬肉來作開胃菜，之後再來吃套餐的內容好了....湯選了典型的，十分"潮"味的檸檬燉鴨湯。湯底色甚清澈，鹹檸檬的酸與甘味十分明顯，鴨帶來的甜度與羶香也不失，入口亦不油淋淋的....這個做得甚好....小菜類別中則簡簡單單的點了馬友魚飯。魚沒如料想中起黃油，肉偏硬身鮮味一般，頗令我失望....春菜排骨般欠缺了應具備的油水，這樣菜吃來味就自然太寡；而且排骨食來味太淡尤如在吃煲湯骨一般；蘿蔔還炆煑得不夠時候入口硬梆梆，同樣令人吃得氣餒....做得較好的是的煎蠔烙。入口乾身不油夠香脆；蛋味濃而蠔仔飽滿多汁不見很重腥氣，好吃....主食點了一道玉蘭菜甫炒米。除了芥蘭及菜甫以外還下了不少的鮮蝦及肉條，料頭是充足的，而且最重要是米粉處理得乾爽不會結成一團且炒得甚有鑊氣，也不俗

上星期ad-hoc提出預早慶祝食父親節飯，再因為就細妹放工既關係，選址九龍城食飯。 選九龍城，直接聯想到泰國菜，但父親節總係覺得係茶樓格局比較合適，㩒下望下OpenRice見到「品潮軒」，相片並唔多，餐牌亦冇人upload上OpenRice，望咗幾遍食評，講到幾正宗，所以就向屋企人推介。「品潮軒」位置唔起眼，絕對適合走高價路線，吸引附近高尚住宅區既食客！基本上係係富豪東方附近。落柯打，叫咗：1. 滷水併盤：入味，又唔係好鹹。墨魚好耐冇食，都唔un噃，仲有好鵝。2. 石榴雞：包住雞粒、筍粒、肉粒，仲有個蛋白獻，清清地，餡料豐富，不錯。3. 甜酸蝦碌：炸粉好薄，蝦肉爽口彈牙，食完一啲都冇邪惡感👍🏻仲有三色椒伴碟，都好健康。4. 芹菜炒龍躉球：龍躉球啖啖肉好正，加埋芹菜中和油膩感。5. 潮式炒二面黃：乾身彈牙既二面黃，配合九菜、芽菜、肉絲，好好味。老公第一次食話：咩黎？！（鄉下仔😆）咁好食嘅！6. 水瓜洛餅：唔想成日食蠔餅，叫咗個水瓜洛餅，佢係煎唔係炸，食落較健康，有少量蝦肉添，yummy。

噚晚同老公去九龍城御豪門朋友屋企探BB，朋友介紹御豪門附近出名(軒潮品)潮州菜，朋友話呢間潮州菜館很難取位，我同老公兩個決定去試，我地好好彩好快有位，雖然叫左三款菜式味道真係👍🏼

潮洲菜由細食到大，以前有好多有水準的，現在越來越少，我看過Openrice裡面的潮洲酒樓評價，好多間我都試過，我不明白有些為何能得到那麽高排名…例如尖沙咀百樂就有三百幾個贊…原因係乜自己諗啦，因爲我都食過…出品雖然不差…但也不至於可以排第一囉，其他比較好味的潮洲酒樓就排名好低，我覺食家自己諗下原因啦…！其實九龍城是香港最多潮洲菜的地方，這間品潮軒是正宗而又好味的，絶對現在不容易找到這水平的出品了，每樣款式出品都做得好…水準好平均，連做個炒飯都好食，至於什麽是招牌菜就等大家自己試下啦，不過這裡的價錢就比較高少少，但也可接受。

今日呀媽老豆即興話要吃潮州菜，就陪佢地去啦。七點半去到好多人，無諗過呢間潮州菜館咁旺場，人手仲好不足，入到去無人汁枱。吃潮州菜我最欣賞係鵝片鵝掌翼係我吃過之中最好食的，超讚！之後點了魚翅，非常好味足料，又係超讚👍🏻不過其他菜如春菜煲同魚膘炒瓜都十分一般。吃完呢餐飯，大家的結論係鵝片掌翼同魚翅係出色，其他都不太好吃。

這是第二次去九龍城的潮品軒了, 和上次一樣，仍是這樣美味，我對這間潮州食店，留下了很好的印象 😊。先說環境，是古典的格式，坐得尚算舒服。食物方面，很喜歡這間潮州菜館。上次去，食了水瓜烙，芋泥，糖醋麵等等; 今次去，嚐了龍蝦，炒筍絲，和雞煲，十分美味🤤！ 吃到停不了！我不是潮州人，但身邊的潮州朋友覺得很正宗，而且在正宗之上，有些菜色也加了點新意，看見 老闆和廚師的心思。至於服務方面，老闆 Dee 哥十分親民熱情, 其他侍應也很友善。

今日老爺生日，潮州人既佢地，想搵間好食既好難！見朋友推介，就黎試下！入座後開始點菜，梗係叫鹵水試下！但勁失望，鹵水唔香，鵝腸又拿到乜味都冇！口感勁怪！鵝肉一般，但個豆付好得！全晚最好食都係豆付，分別係鹵水豆付同普寧豆付！最離譜係後加既鹵水鵝肝，食落去係同牛什既牛膀既口感！唔可以接受囉！我地 10個人都叫左唔少野...但我冇心機影相！蠔餅都算唔錯，蠔既份量唔細，呢道蠔餅唔係炸，唔錯！另外阿嫂爸爸好想食羊，我地叫左個羊肉爐，味道唔錯，仲好足料！薑汁芥蘭唔錯，冇黃！另外個荔蓉鴨都可以，但味道唔夠！好淡...坦白講...失望囉！潮州出名鹵水，都可以咁...仲有想提既係，我地臨入座前，打電話問壽包，就話有喇！咁我地買蛋糕啦！點知又突然間上...最後梗係取消啦！太攪笑...

上星期日和屋企人15個嚟食飯,因為媽媽那邊是潮州人，所以舅父揀的餐廳都應該不錯。結果各方面都挺滿意的。很多在九龍城的潮州餐廳，已非常舊,很有特色，但未必坐得舒服。而這間餐廳，從舊舖搬過來之後裝修過，都幾新淨。坐滿人。我哋叫咗豪餅，是舊式傳統做法，嗰邊邊不會落好多油炸到起蛋花那種，好友薯粉嗰種黏度,豪仔好新鮮，媽媽很喜歡。而我最喜歡就是普寧豆腐，很重豆腐味。方魚炒芥蘭很香，沒有芥蘭青味，又唔油。豪仔粥啲豪仔好新鮮，潮州麵線真係炒得好乾身。仲食咗好多其他嘢不能盡錄。值得一試。