焰淑泰國餐廳 (Closed)

同朋友都鐘意食東南亞既野食，特別係泰國菜。但我地又唔想去九龍城食，咁岩發現銅鑼灣呢間泰國餐廳，見門裝修優雅幾有泰式feel，就入去試下。因為我地都比較早去餐廳唔算太多人，環境都叫舒適，餐廳佈置都幾精緻。因為出面都幾熱下，所以我地一黎menu都未睇就叫左椰青先。椰青都解渴清甜，兩個椰青都算多椰肉。椰青 $38馬拉盞炒通菜 $68我地先叫左個馬拉盞炒通菜，另外個侍應話岩岩番左啲蜆好新鮮，就叫左個泰式辣汁炒蜆。泰式辣汁炒蜆 $118碟通菜不過不失，唔會話好咸；而我同朋友都好鐘意碟炒蜆，好惹味，炒完嘅蜆肉唔會話縮曬水。特別係我朋友唔係好食得辣，但佢都覺得OK，如果啲汁撈飯應該好正。另外，間餐廳每日都做緊唔同既晚市半價優惠，我地果日星期二去，泰式明爐烏頭魚同小食拼盤都做半價，見差不多枱枱都有叫鳥頭，我地都唔執輸，叫埋一份。間餐廳都好有心思，佢地大概滾15分鐘左右就會熄火，如果唔係會滾到啲魚肉好老下。條魚夠大條，但又幾入味。半價真係好抵食。我地兩個都唔算好大食，所以叫左三樣野食已經好飽下。最尾仲有個甜品，係泰國師傅自己研發既，一個係龍眼，一個係茫果，質感少少似啫哩但又唔會話太甜。問番個侍應，佢話遲