Video
Read full review
2021-07-30
2925 views
好味指數😋😋😋😋😋回頭指數⭐️⭐️⭐️⭐️開心指數🤗🤗🤗🤗🤗約咗姊妹們打邊爐，朋友揀咗呢間，睇落好得意咁wor! 朋友覺得佢個門口比較難搵，因為門牌上令人比較易迷失，我好彩哋響The One 方向行過嚟，過緊馬路時已經望到店名，我就覺得okay! 行樓梯上到去見到大大個牌，入到去見到有個金色龍座，都有D宮廷服放響旁邊，supposed to be 係可以借嚟影相，不過我相信疫情期間都冇咩人咁做啦～4人安排咗卡位俾我哋，每個卡位都有個宮名，我哋坐「景仁宮」，點菜紙係「傳哀家懿旨」，店員都著宮廷服裝，裝修同細節位上都頗有心思！一坐低就有一盒4款前菜，有涼拌鮑魚、酸蕎頭、中華沙律同花生，個涼拌鮑魚好好食，記得要食呢～ 另外有醬料九宮格，基本嘅醬料需要都有～🍴建寧公主· 特色卜卜蜆鍋（$198）佢嘅湯底價格range 勁闊，由$168-$898不等，呢個鍋外表好打卡，因為佢每種鍋嘅外觀都不一樣，望到個鍋好足料，勁多芹菜仲要勁勁勁勁多蜆配少少芫茜，我哋慢慢等D蜆卜卜卜打開，飲啖湯先，好清甜好飲，我哋準備先食晒D蜆再打邊爐，因為煮得耐就會老㗎啦，D蜆大大隻，好新鮮，肉質爽口鮮甜，配埋芹菜飲埋個湯，好正！未
回頭指數⭐️⭐️⭐️⭐️
開心指數🤗🤗🤗🤗🤗
約咗姊妹們打邊爐，朋友揀咗呢間，睇落好得意咁wor! 朋友覺得佢個門口比較難搵，因為門牌上令人比較易迷失，我好彩哋響The One 方向行過嚟，過緊馬路時已經望到店名，我就覺得okay! 行樓梯上到去見到大大個牌，入到去見到有個金色龍座，都有D宮廷服放響旁邊，supposed to be 係可以借嚟影相，不過我相信疫情期間都冇咩人咁做啦～
4人安排咗卡位俾我哋，每個卡位都有個宮名，我哋坐「景仁宮」，點菜紙係「傳哀家懿旨」，店員都著宮廷服裝，裝修同細節位上都頗有心思！
一坐低就有一盒4款前菜，有涼拌鮑魚、酸蕎頭、中華沙律同花生，個涼拌鮑魚好好食，記得要食呢～ 另外有醬料九宮格，基本嘅醬料需要都有～
🍴建寧公主· 特色卜卜蜆鍋（$198）
佢嘅湯底價格range 勁闊，由$168-$898不等，呢個鍋外表好打卡，因為佢每種鍋嘅外觀都不一樣，望到個鍋好足料，勁多芹菜仲要勁勁勁勁多蜆配少少芫茜，我哋慢慢等D蜆卜卜卜打開，飲啖湯先，好清甜好飲，我哋準備先食晒D蜆再打邊爐，因為煮得耐就會老㗎啦，D蜆大大隻，好新鮮，肉質爽口鮮甜，配埋芹菜飲埋個湯，好正！未開始打邊爐已經食咗幾碗蜆，係每人幾碗，蜆好似食極都有咁😂 我估計我哋每人都食咗廿幾隻蜆，即係加加埋埋至少有60-70 隻甚至更多嘅蜆！
建寧公主· 特色卜卜蜆鍋
$198
75 views
0 likes
0 comments
🍴酒香陳年花雕浸牛肉（$148）
又係賣相好靚，出住煙咁放低，份量都算多，好多時賣相精緻嘅都係得5-6 舊，呢個都有10幾舊，肉質淋有肉味，滲出淡淡花雕味，正！
酒香陳年花雕浸牛肉
$148
50 views
0 likes
0 comments
🍴即炸黃金響鈴（$78）
一碟有6大條，嚟到真係見到金黃色，個面包滿鹹蛋黃，我自己鍾意仲有少少脆嘅口感，所以浸5秒就食，咬落去有少少脆再加上湯汁仲有厚厚鹹蛋同濃郁鹹香味，爽呀～
🍴香香宮煮餃子拼盤（$88/4粒）
呢個係4款每樣一粒，或者$128每樣2粒，包括咗黑麥皮韭菜豬肉餃、黑松露蟹肉餃、蟹黃餃同鳳尾鮮蝦雲吞，我好興幸自己食到🍴黑松露蟹肉餃，呢個真心好食，餃子脹卜卜，咬開係爆多蟹肉，食到蟹肉嘅鮮味，還好黑松露味唔突出（對我嚟講係優點）冇蓋過蟹肉嘅味，呢個真心好食👍🏼
🍴黑松露蟹黃餃（$78/4粒）
呢個本身有D期待，見到佢黃色一粒咁好似好正咁，但發現冇想像中咁濃嘅蟹黃味，黑松露味都一般突出～ 正常only!
🍴白膳片（$88）
呢個切得厚薄剛好，唔會放落湯後散晒，肉質實在肥美，呢個都好好味～
另外我哋仲叫咗🍴香香宮煮肉丸拼盤（$128/10粒），入面有爽骨豬肉丸、手打鮮牛肉丸、松露芝心墨魚丸、手打蟹子鮮蝦丸、手打蟹子墨魚丸、🍴極品棉花魚肚（$128）、🍴鴨血（$58）、🍴蜂巢冰豆腐（$48）、🍴西蘭花苗（$48）、雞髀菇（$42）、🍴萵筍（$48），所有食物質素質素都唔錯～ 而佢會將其中一D食物放響3層high tea 碟上，賣相靚之餘都慳咗唔少位～
黑松露蟹肉餃
38 views
0 likes
0 comments
🍴自家製薏米水（$68）
呢個用咗古色古香嘅壺裝住，份量都幾多，如果唔係配鐵杯成個presentation 會仲完整，佢唔算好甜，薏米味夠濃，都唔錯，不過我覺得有埋酸梅湯會開心D🤪
自家製薏米水
$68
23 views
0 likes
0 comments
呢度都算係中價邊爐，食物質素唔錯，但都幾大碟足料，服務態度幾好，坐得舒服，過咗一個開心嘅晚上🥰
Post
