Video
Read full review
2017-04-07
176 views
病到死死下，瘟瘟鄧鄧，感冒好鬼病，撐著返工無請病假，頂到收工急回上水買晚餐外賣返屋企，食飽飽就立即食藥瞓覺。未諗到食什麼兜兜下之際發現原來上水有元氣架喎，試試先。一人前晚飯，10 碟差不多，應該夠飽。點解無三文魚腩刺生架，又無極上吞拿魚腩，非常失望！病都要食好一點架麻。久候 30 分鐘終於攞到外賣，我都好耐無食過刺生同壽司喇。軟殼蟹手卷，元氣軟殼蟹一向質數有保證，非常鬆化、香脆又乾爽，肉質鮮甜又唔會咸到死。幸運的話間中遇上膏，甘甜無比正到震！最討厭很多壽司店都炸到石頭一樣硬，想咬崩牙咩。紫菜獨立保鮮包裝，脆到不得了！咬落去真係有裂開既爆裂聲，食得過癮。壽司飯鬆軟乾爽又嚥靭，濕度同酸甜度剛剛好，好味啊！黃帝蟹柳壽司，又會咁細條既？我每次都同千兩巨大蟹柳混淆囉，激氣！味淡而硬實的蟹柳，唔難食，匆匆吞下算數。明太子雞翼，無醃的雞翼淡茂茂，好采雞皮微暖香口，裡面釀著一丁點帶咸明太子，味道單調陰沉。雖然無骨啖啖肉，但試一次便夠。長崎吞拿魚刺生，招牌菜？唔掂喎。瘦得黎腍劈劈無咬口，鞋鞋地無油脂，味道淡如水。食過超肥美嫩滑極上吞拿魚腩後，其他吞拿魚完全滿足唔到我，返唔到轉頭喇。油甘魚刺生，我非常鍾意
未諗到食什麼兜兜下之際發現原來上水有元氣架喎，試試先。一人前晚飯，10 碟差不多，應該夠飽。
點解無三文魚腩刺生架，又無極上吞拿魚腩，非常失望！病都要食好一點架麻。久候 30 分鐘終於攞到外賣，我都好耐無食過刺生同壽司喇。
軟殼蟹手卷，元氣軟殼蟹一向質數有保證，非常鬆化、香脆又乾爽，肉質鮮甜又唔會咸到死。幸運的話間中遇上膏，甘甜無比正到震！最討厭很多壽司店都炸到石頭一樣硬，想咬崩牙咩。
紫菜獨立保鮮包裝，脆到不得了！咬落去真係有裂開既爆裂聲，食得過癮。壽司飯鬆軟乾爽又嚥靭，濕度同酸甜度剛剛好，好味啊！
黃帝蟹柳壽司，又會咁細條既？我每次都同千兩巨大蟹柳混淆囉，激氣！味淡而硬實的蟹柳，唔難食，匆匆吞下算數。
明太子雞翼，無醃的雞翼淡茂茂，好采雞皮微暖香口，裡面釀著一丁點帶咸明太子，味道單調陰沉。雖然無骨啖啖肉，但試一次便夠。
長崎吞拿魚刺生，招牌菜？唔掂喎。瘦得黎腍劈劈無咬口，鞋鞋地無油脂，味道淡如水。食過超肥美嫩滑極上吞拿魚腩後，其他吞拿魚完全滿足唔到我，返唔到轉頭喇。
油甘魚刺生，我非常鍾意食油甘魚刺生，比三文魚腩更愛﹗因為油脂非常豐富，食完後魚味仍然留係口腔久久不散，肉質又滑又彈，無得頂。不過依幾塊好瘦，低於水平。色澤暗啞，質感軟腍腍既，魚甜味削，無奈。
象拔蚌壽司，沒什麼味喎，何況鮮味呢，得個爽字，火炙鰹魚壽司，魚味強烈，外層全熟嚥韌，中間保持全生軟棉，還可以。他他牛壽司，依款一向處理出眾，甜甜的生牛配上薑蓉蔥花真係襯到絶。牛肉汁豐富跟清爽薑蔥汁混和，甚是香口，好味道。
珍寶帶子壽司，香甜極致，鮮味無比啊﹗鬆軟棉滑，正到暈。海膽軍艦，我鍾意食海膽魚味，淨係用紫菜包住食或跟青瓜同吃，已經美味無窮，食唔停口喇﹗但依兩件海膽邊度鄉下呢？腥味霸道，吃不消！
象拔蚌壽司
3 views
0 likes
0 comments
軟殼蟹手卷
6 views
0 likes
0 comments
黃帝蟹柳壽司
3 views
0 likes
0 comments
明太子雞翼
14 views
0 likes
0 comments
長崎吞拿魚刺生
5 views
0 likes
0 comments
油甘魚刺生
4 views
0 likes
0 comments
他他牛壽司
4 views
0 likes
0 comments
珍寶帶子壽司
1 views
0 likes
0 comments
Post
