清真牛肉館 (打鼓嶺道)

Open Now

Now Closed

間中都會黎食呢間清真牛肉館，比起同類餐廳呢度價錢較相宜，食物質素亦有保證。平日下午黎到唔算多人，雖然門口企滿人，但原來全部都等外賣，堂食係可以即刻入坐嘅。店員示意自由揀位坐，坐定左就送上熱茶同洗碗兜，疫情其間有得洗下都叫安心啲嘅，搞掂後就落單了，唔知啲店員係咪好驚同食客接觸，企係兩張枱後黎寫單，都唔知佢聽唔聽到我地落咩…睇返張單又真係無落錯喎，不過枱號就錯左，個店員仲同個收銀鬧咬，原來張枱貼左兩個枱號，哈哈…先來個牛肉餅，果然名不虛傳，外皮香脆，內邊的牛肉餡料鮮味多汁，每咬一下都有肉汁流出黎，真係要小心食呀。跟住到嘅係羊肉嗆湯麵，好大碗呀～湯底偏淡味，但啲羊肉片就幾香嘅，麵條偏淋唔係喜歡嘅口感，內邊有唔少娃娃菜加返少少咬口，整體感覺還不錯。再黎係朋友點嘅咖哩羊腩飯，呢度個咖哩好出名，試一下，又真係掂喎，咖哩香濃，羊腩炆得軟腍入味，真心正喎。食到一半個蔥油餅都到了，上枱時好香又夠熱，但味道就差啲了，無蔥味又乾身，同冰鮮嘅蔥油餅分別不大。最後就係羊肉煎餃，呢個超得！外皮香脆，羊肉餡極鮮味，勁多汁，啖啖都係鮮味，必叫之選！呢間真係幾好食，唔怪得成日都咁多人等。