BEP Vietnamese Kitchen 越灶

Open Now

Now Closed

無端端想食越南嘢，於是就上網上平台覓食，意外發現呢間Bep Vietnamese Kitchen，覺得好似幾唔錯咁，新潮得嚟帶越南風味。 我叫咗嗰灸燒牛柳河粉（$118）。 哇，一送到嚟，嚇咗一跳，總共有成五兜嘢，包括牛湯、配菜（黃豆芽、鵝芥、香葉、九層塔、紫洋蔥等等）、牛柳同河粉，仲有辣醬、辣椒同青檸。 先講牛湯。牛湯送到嚟，仲係熱嘅。牛骨味好濃，但係唔會過鹹。鮮味十足，飲咗好幾啖。 再嚟係牛肉。牛肉半生熟；份量十足，有成將近20片，堆到成坐小山咁。因為係灸燒嘅，所以有濃邊，香口焦脆；而濃邊得嚟，入面一啲都唔會韌，食落口感鬆軟，瘦肉都可以咁好味，真係難得。而且仔細咀嚼，啲牛湯會「爆」埋出嚟，正啊！ 跟住係麵底。佢唔係金邊粉嚟嘅，而係普通嘅河粉。但係啲粉都好彈牙，唔會碎成一片片咁，算係難得嘅高質河粉。 跟住係配菜。呢隻係粗啲嘅豆芽，應該係黃豆，而唔係綠豆芽，食落脆口；份量唔算少。又有紫洋蔥，算係健康之選。 整體而言，份量真係好多，咪話成年男性，兩個細食嘅女仔share都可以。河粉嚟到香港，難得冇被本地口味影響，保留咗地道嘅越南風味。有驚喜！