食得妙 (Closed)

個人覺得將軍澳呢區比較有特色嘅食肆係坑口村，坑口村有幾間食肆，食得妙係其中一間。呢間食店之前幫襯過一次，朋友話蝦丸出名，個人覺得中規中矩，所以今次就無試喇。呢間食店舖仔細細，同附近幾間一樣可以揀室內或者室外，我同朋友兩個揀咗室內嘅座位。食物方面幾好，價錢中上，少貴。蒜茸蒸蟶子，大大隻，如果粉絲多啲就好喇。倉魚都算大條肥美，個汁幾好味。菜加咗蝦皮無咁單調，清清哋。金莎蝦，好多鹹蛋黃，好香口，好味。個湯足料，細細盅，兩個人啱啱好。