食得妙 (Closed)

坑口村特色村屋美食！位置方便，係正村口！ 有眾多海鮮,小炒選擇！酥炸魷魚鬚--- 新鮮炸，魷魚鬚新鮮嫩口（推介）柚子蝦餅--- 味道清新，不過蝦肉較林....紅燒魚腩豆腐煲--- 估唔到小炒出色，簡單魚腩煲，肉厚，汁濃，豆腐豆卜索晒味！ （推介）店長推薦！ 豉汁豉椒炒聖子！新鮮爽脆！ 價錢略貴！

今次去將軍澳做野, 走時記得朋友話係坑口村好多隱居好食小店, 好多住將軍澳的人都知, 但都覺得出入吾方便而卻步, 鍾意試新野的我, 梗係要去睇吓啦。本來想試䗌子等海鮮, 不過店主話休魚期間吾多海鮮, 唯有order 其他。豉油王中蝦, 好惹味, 送啤酒一流金沙帶子翠肉瓜, 帶子好大粒, 好好味。另外, 叫了一個懷舊菜式- 炸大腸。 炸得很脆, 不過這款菜有d 肥, 雖然好食, 但吾可以食得太多。最後點了龍鬚炒麵, 炒得夠火候, 好香! 抵讚! 走時9點多, 仍然滿坐, 似乎識搵好野食的人仍有很多!

個人覺得將軍澳呢區比較有特色嘅食肆係坑口村，坑口村有幾間食肆，食得妙係其中一間。呢間食店之前幫襯過一次，朋友話蝦丸出名，個人覺得中規中矩，所以今次就無試喇。呢間食店舖仔細細，同附近幾間一樣可以揀室內或者室外，我同朋友兩個揀咗室內嘅座位。食物方面幾好，價錢中上，少貴。蒜茸蒸蟶子，大大隻，如果粉絲多啲就好喇。倉魚都算大條肥美，個汁幾好味。菜加咗蝦皮無咁單調，清清哋。金莎蝦，好多鹹蛋黃，好香口，好味。個湯足料，細細盅，兩個人啱啱好。

有heart 小菜 差不多每星期都特登搭一程車入坑口村嚟食晚餐，因為呢度價錢實惠，招呼又好。我由2014年年頭開始幫襯，最初見到之前啲惡評都有啲担心，好彩試完就覺抵食又好食，以後仲個個星期都嚟。唔明佢生意始終麻麻， 唸嚟唸去，自己估係咪受之前啲劣評影響呢？以自己呢一年親身嘅体驗，呢間嘢無論食物和招呼都好。好驚呢間良心食肆頂唔到，"的"地心肝係度寫吓我嘅感受。1. 小菜抵食: 好多都係70，80蚊以下，份量都夠。細老火湯都係$58蚊，至緊要食得飽。2. 味道好食，正路: 食咁耐佢都未試過失手(e.g 過油，過咸，雪味)，好多中菜都做唔到。3. 菜式多款又特別: 氹仔汁/芝士汁鮮魷/豬扒好味又特別。 傳統嘅肉鬆蒸水蛋，媽媽的味道 鮮魷肉餅,好味又彈牙 三椒牛柳粒用料好，火候亦啱啱好。4. 招呼好: 啲碗筷都幫你用熱水洗過，招呼亦好熱心，亦唔會硬銷啲貴價菜，nice。我之前未寫過食評，但好驚唔做啲嘢，第2時佢無聲無息執咗就好可惜，自己亦會後悔 。都希望呢間食肆繼續維持好水準，街坊試吓就知我冇老作啦！

今日去左姑媽到拜年，夜晚就落左去lee到食野，大家首先叫左d啤酒汽水飲先，之後再睇下叫咩食，商量完一陣，大家都覺得叫套餐會食唔哂，所以就散叫，咁過左半個鐘，我地見一樣野食都未到，就問下個侍應，佢話煮緊，之後再過多陣，我地野飲又飲完，眼見遲泥過我地既人都走，我地就再問下個老闆，佢又係話煮緊，如是者我地再等等等，超過一小時都冇野泥過，我地就決定走，真係新年都搞到一肚火，其實點解會咁，係因為我地唔係叫套餐，所以佢地唔想做我地生意，佢地咁既生意手法實在太離譜，如果唔想人地散叫，就唔好俾果d餐牌人簡啦，永不再光顧姐係其實新年大家都想開心姐，而且咁樣做咪等於影衰自己招牌先，係咪，咁樣人地下次仲點去幫襯你牙

初三同朋友食晚飯 ( 4大1小) , 食品有 - 例湯(中) , 雞 半隻, 蒜茸粉絲蒸聖子 4隻, 上湯西生菜, 蝦(約 5隻) , 白飯5碗埋單嚇死人 $9xx 我老公見到張單話, 所有野 x 2 ( 好似雙計) 超級離譜

一早打黎BOOK臺, 10位, 要坐入面去到, 就有臺留好左了~菜式:1. 沙拉骨 - D沙拉就咁係面的, 同平時食開既有出入, 但D肉就好正!!! 2. 豉椒炒聖子 - 同以前有分別, 個汁好水, 但我覺得都OK既~3. 薑蔥炒蟹 - 大家都話隻蟹好掂同正!! 但我就唔多識食.... 4. 豆腐班腩煲 - OK啦~ 5. 薑蔥竹桶蠔煲 - 正!!!!!! 鍾意食蠔, D蠔都大大隻, 但係得5隻(本身話有6隻)....佢之後話計重量喎~6. 沙薑雞 - 不錯!! ^^7. 蛋白瑤柱炒飯 - 我覺得好味, 幾正, 但有人覺得好少料, 仲好細碟 (因已加大了)8. 兩個菜+一條魚.....整體都幾滿意, 而且D海鮮都幾唔錯, 好食!而且上菜速度都幾快! ^O^

上個WEEK 同屋企人去左食晚飯.....可能係閒日, 所以無咩人食, 叫左幾樣野, 味道其實都唔萛差, 不過無咩特別LO~~~~價錢比一般同類食市貴, 不過份量好多, 每碟都夠4-5個人食~~~海皇湯--->一般, 每人可以飲2-3 碗生炒骨 ---> D 肉都炸得好香口黑椒牛仔骨雜菌褒 --->D牛仔骨"拿"得太勁, 不過個汁幾好涼瓜班腩 --->一般炒海皇雜錦 (唔記得叫咩名) ---->唔好食炒麵 --->炒得好乾身,好味!# 食食下飯, 見到吳彥祖黎攞外賣~~~

以前食開食得妙,但呢排工作忙碌,少左去食!上網見食評甘差,即刻去試試先!無理由,無理由!!!!即刻約埋三五知已去食去到啊姐介紹我食個新野先1)話梅豬手啊姐話d話梅仲貴過d豬手,即刻連話梅都食埋,豬手有d爽爽地,唔會太淋,掂!2)大澳雞翼色香味區全!同我想像好唔同,呢個一定要試!3)嗜嗜菜煲夠香,嗜嗜聲!但就咸左d,可能多左小小蝦醬,下次唔鍾意太咸既朋友,都係叫距少咸好d!一般啦!4)金蒜蒸蟹飯炒左蛋白炒飯底,將蟹放上去用蒜茸蒜,一上台,哇!!香噴噴,份量夠大,正!!!呢個餸要等得耐d,下次一去到就要叫定先!!至於d啊姐服務就一般啦,不過不失!無咩特別!

又約朋友在坑口村飯局, 今次捨棄朋友喜歡的合時, 而選擇了在OR食評不錯的食得妙, 六點來到檯可以任選, 同行朋友怕熱所以選了室內冷氣位, 四人坐在卡位在大排檔來說已算寬落 沙拉骨 - 朋友見出菜時賣相不錯所以就照跟單落, 其實這類酸酸甜甜骨類本人就不太好, 但偶一食之也無妨, 而這個汁酸味不太搶已能歸於可接受類, 豬扒嫩而又不會乾身, 但敗筆位在於肥膏位甚多, 在左閃右避"它"之下, 唯有選擇放棄蒜茸粉絲蒸聖子皇 - 索價$13/兩, 價錢一點也不便宜, 但朋友想吃當然沒什麼意見, 要了每人一隻共16兩, 用上蒜茸粉絲蒸當然夠惹味, 但來到聖子皇卻未有預期中厚肉, 夾上手身形還很單薄, 同之後在澳門吃到的更可用"無得比"來形容馬拉盞雜菜煲 - 這個已算是全晚最好的了, 翠玉瓜爽口, 金菇入味, 再加上馬拉盞夠惹味, 總算不至全軍覆沒沙薑雞腳 - 由落單那刻起才見由廚房取雞腳出來, 但不是可即吃, 而是放在對面檯沙薑煲中再煮至入味, 本來想將它當餐前小吃, 但要到最後吃完再催單才慢慢的送上. 有別於鄰鋪合時原隻連腳筋位, 口感上欠缺了份咬口, 而雞腳可能放得太久在煲中翻煮, 所以味道超

2008年2月24日，食得妙夫妻二人吃中菜總有點遺憾，因不能叫太多，三一湯？那吃得下。不過今天卻想吃小菜。以前來有沙鳳爪送，不知道什麼時候開始沒有了，太久沒來吧。先來的變成小吃一碟，當然也不是免費的了。不過都挺好吃，招牌醬爆蝦丸（$59）:叫來回味一番。凡事第一次都可以帶來驚喜，所以這次吃驚喜沒有了不足為怪，但令人懷念和回味的卻是金寶的醬爆蝦丸，裏面的不是芝士，而是更香口的蝦膏…虎皮椒鮮白菌爆豬頸肉（$55）：老闆娘過來跟我們說沒有鮮白菌，只好用雜菌替代。豬頸肉有點韌，論味道，我只可以給它一個合格。蝦醬時菜煲（$48）：最抵打的一個菜。前前後後吃過很多菜煲，先不論好不好吃，都沒有見過一家像今天的一樣，除了它還是“煲”外，上時那些生菜已經是“靜靜”的倘在煲內，一點“聲氣”都無，又不香，怎樣可以叫“”煲？失望得很。又令我們想起九龍城的南海漁村的通菜煲，香遍整個鋪頭。差得遠。最後有新春抽獎，最cheap的獎品就是沙鳳爪！

近期去食得妙吃飯,發覺差唔多台台都叫個蝦丸,咪叫個吃下,一睇,哇!甘鬼大粒既!底吃!仲新出左好多菜式,我最欣賞係距果個鵝掌柚皮,幾好吃,依家出面都幾難吃到一個好既柚皮,值得試試,不過發覺距地d餸越來越細碟,要注意.我知依家d野都加晒價,不過寧可加返小小價麵唔好太細碟!

自阿姨多年前搬到將軍澳後，有很多次在食得妙吃晚飯，所以自信大保份菜色也吃過了，應該夠中肯了罷。主要介紹的是菜色並非一般的『行貨』，大廚聽說是從酒店( 或是非常有名的食肆) 出身，再自己創業，所以不太被傳統束縛，但吃得出來中菜根基很好，否則亂配的話會不倫不類，其中『沙拉骨』酸度適中，『咸蛋炒翠玉瓜』真是好吃，平常我在外不太吃瓜類，因為大部份店都是隨便亂炒，一陣『臭青味』十分倒胃，再不是就是過份地熟『一個爛茨』，這裡的完全沒有問題。不過自從九龍城點開後，發覺坑口店水準有點滑落，希望只是短暫問題... 還有，有些店員態度太過隨便，怎麼說對客人還是應該謹慎些，畢竟不是個個來的也是熟客啊!

佢地的沙薑雞真係唔錯, 夠哂滑, 又唔肥, 個沙薑汁好夠味! 唔錯!

是晚到坑口村揾食，友人讚食得妙的東西不錯，遂試之。三個大人加兩個小朋友，叫了三餸一湯一炒飯。友人之前試過豉油王豬扒，大讚。今次試吃，豬扒很冧，咬時不費吹灰之力；而且很入味，略嫌鹹了一點，但送飯一流！咸蛋黃脆瓜，薄薄一層咸蛋黃汁，很惹味，但真的小食多滋味，多吃壞肚皮。脆香雞半隻，皮脆熱辣辣。但肉質嚡了一點。芫茜皮蛋魚雲湯，很有家庭風味，應是沒味精之作。大當家炒飯(瑤柱蔥粒蛋白炒飯)，飯炒很乾身，料很多，算是炒飯中不錯之作。餸菜偏細碟，圍中多小朋友，算夠食。但多幾個大男人就不夠了。五個人埋單三百元，食物質素挺好，算不貴了。