雄興美食

Open Now

Now Closed

去完聖母醫院探病，難得黎到黃大仙慈雲山一帶，梗係要會一會呢度嘅小店，食埋飯先打道回府啦。今次揀咗呢間潮州野，店面係好舊式嘅「飯店」feel，睇落去就已經覺得好有風味。野食就叫咗鹵水鵝、蠔餅、蠔仔粥、凍烏頭。先講鹵水鵝，我覺得鹵水係一間潮州野嘅重中之重，呢間就中規中矩啦，香味唔太夠層次；蠔餅係炸嘅(其實喺香港食到嘅大部份都係炸，我自己鍾意煎嗰d多d)，好彩d蠔仔都新鮮，粉漿都唔算厚；蠔仔粥幾好，有落方魚碎，粥底d飯同水分得好開，感覺比較正宗；最後係凍烏頭，我覺得咁多樣野之中呢樣最好食，價錢平又大條，而且難得有黃油，好鮮味。呢間野整體唔錯，會再幫襯。