Video
Read full review
2016-08-18
494 views
屯門喱間大阪章魚燒，係被著名blogger同飲食男女介紹過之後，就紅得好緊要。呢間鋪頭既位置其實完全唔方便的，即使你搭主要鐵路去到屯門西鐵站，你都仲要再搭輕鐵幾個站去到澤豐落車，然後再行大約七分鐘左右，係一間極唔顯眼既小商場地鋪入面會見到。而你去到一定會知係邊間，因為得佢係咁多人排。小商場地鋪無論內外都係完全冇冷氣的，而由於呢間鋪其實幾講究，唔肯因為多客等就燒得快，但同一時間只會燒兩板章魚燒（我估係鋪位限制），於是就人多兼且慢，等既時間就長。我地閒人五點左右去等，都足足等左差唔多35-40分鐘先買到一盒。食落又點呢？多人排係有道理的。普通你係街邊食到既十蚊章魚燒，大概有四個特點：(1) 皮軟而無味; (2) 內裡粉漿感覺仍在; (3) 章魚極細; (4) 似食調味醬多過章魚燒。無他，同一種料理，即使係一粒小小既章魚燒，當係材料同手工上講究的話，佢係可以變成另一種完全唔同既境界。我成日都同自己講，食平野還食平野，千其唔好比佢佔領左你既靈魂，就算係平野，你都要搵好食既平野。平時生活已經慘了，呢方面一定要善待自己。講返呢粒章魚燒，佢有分四種味：原味、蔥味、明太子味同蟹子味。我地叫左明太子同蟹
呢間鋪頭既位置其實完全唔方便的，即使你搭主要鐵路去到屯門西鐵站，你都仲要再搭輕鐵幾個站去到澤豐落車，然後再行大約七分鐘左右，係一間極唔顯眼既小商場地鋪入面會見到。而你去到一定會知係邊間，因為得佢係咁多人排。
小商場地鋪無論內外都係完全冇冷氣的，而由於呢間鋪其實幾講究，唔肯因為多客等就燒得快，但同一時間只會燒兩板章魚燒（我估係鋪位限制），於是就人多兼且慢，等既時間就長。我地閒人五點左右去等，都足足等左差唔多35-40分鐘先買到一盒。
食落又點呢？
多人排係有道理的。普通你係街邊食到既十蚊章魚燒，大概有四個特點：(1) 皮軟而無味; (2) 內裡粉漿感覺仍在; (3) 章魚極細; (4) 似食調味醬多過章魚燒。無他，同一種料理，即使係一粒小小既章魚燒，當係材料同手工上講究的話，佢係可以變成另一種完全唔同既境界。我成日都同自己講，食平野還食平野，千其唔好比佢佔領左你既靈魂，就算係平野，你都要搵好食既平野。平時生活已經慘了，呢方面一定要善待自己。
講返呢粒章魚燒，佢有分四種味：原味、蔥味、明太子味同蟹子味。我地叫左明太子同蟹子。首先粒章魚燒既特色係，佢係有少少脆口，唔會有果種生粉漿既感覺，而且外皮係有一陣燒烤味，即係你會食到佢真係一粒章魚「燒」。內籠舊章魚係十分大舊，但由於粒野本身都整得大，兩者係比例上既配合又剛剛好。從圖中可見，佢地比配料係絕不手軟的，而我個人喜好就覺得蟹子好食過明太子（其實兩者都係好食的）。
價錢方面，佢係比普通街邊既章魚燒貴的，大約22蚊4粒，於是一盒就44蚊左右。但總體來說，以今時今日既物價同佢既質素，我會覺得係合理的。8粒一定夠飽一餐。人一世物一世，如果你短期來都唔會飛日本去食正宗既章魚燒，你可以去屯門試下（網上話蔥味有驚喜）。
Post
