風流居酒屋 (Closed)

係食呢方面我都幾風流，因為好多野我都鐘意食，又唔專一，鐘意周圍試新餐廳，今次就去左好襯我食野風格既風流居酒屋餐廳有獨立房間俾客人開PRIVATE PARTY，餐廳唔係好大都有咁既佈局不錯喔呢間餐廳其實都無改錯名，食物選擇無論生熟食物都好多，夠曬風流，烏冬同飯類就最抵ORDER，價錢分分鐘平過茶餐廳香蔥吞拿魚卷 ($160)食日本野點少得食下壽司卷物，香蔥吞拿魚卷包得夠實淨唔會一夾就散，吞拿魚蓉份量都唔少明太子玉子燒 ($48)、日式餃子 ($38)、鹽燒秋刀魚 ($58)跟住就食下熟食，明太子玉子燒付上大量明太子，日式餃子係用油炸方式，比平常食到的香口得多，鹽燒秋刀魚燒得唔乾啖啖肉不錯炒雜菜 ($88)炒雜菜估唔到咁大碟，加上木魚係面頭更香口安格斯牛肉烏冬 ($88)安格斯牛肉以半熟形式上碗，將佢地浸落熱湯就岩岩好，有點似越南生牛肉湯河個做法，烏冬好滑而且好大碗，兩個人分都每人分到2小碗