Video
Read full review
2022-07-22
372 views
呢間係近年食過台式火鍋最難食嘅餐廳的確餐廳內有好多打卡位，刻意營造好似喺台灣夜市咁樣嘅環境，係有心機座位闊落亦有二人卡位可以坐但係有頭威無尾彩，大而無當。最大嘅問題係食物質素真係差得好緊要。當日點左大華豬骨同酸菜白肉湯底，係淡而無味到直頭可以話同清水冇分別，完全係顛覆咗我對台灣菜同台式火鍋味道嘅認知。lol 仲衰過去茶樓打邊爐嗌沙嗲湯底。再到肉類，豚肉正常發揮無乜特別。但重點係所有牛肉都係好「鞋」兼且切到又厚又大塊，越食係越失望。不過係靠佢填飽個肚同回本，無辦法都係要食。之後去到台式小食，其實台式火鍋嘅一大重點就係地道小食。當日好興奮咁樣每日都點啲嚟試吓，點知又出事。第一次食無肥肉嘅台灣腸，所有滷水牛筋/蛋/牛肚都係無味無道，油炸鬼就炸到好似餅乾咁嘅口感，鹽水雞又無香料味，台灣葱餅又炸到硬晒。差到講唔晒，所有小食真係無水準可言，全部基本上係是但求其整。放到入口你都唔會知自己食緊咩囉。唯一有水準係魔鬼炸雞扒，有辣味有希望。甜品方面又係搞笑，基本上食放題或者牛涮鍋都係會包你杯雪糕或者乳酪。呢度係要你影相上社交平台先比得個杯勁細嘅雪糕你食。然之後鮮草芋圓又甩咗單追好耐先送到，唔講以為啲芋圓係
的確餐廳內有好多打卡位，刻意營造好似喺台灣夜市咁樣嘅環境，係有心機
座位闊落亦有二人卡位可以坐
但係有頭威無尾彩，大而無當。
最大嘅問題係食物質素真係差得好緊要。
當日點左大華豬骨同酸菜白肉湯底，係淡而無味到直頭可以話同清水冇分別，完全係顛覆咗我對台灣菜同台式火鍋味道嘅認知。lol
仲衰過去茶樓打邊爐嗌沙嗲湯底。
再到肉類，豚肉正常發揮無乜特別。
但重點係所有牛肉都係好「鞋」兼且切到又厚又大塊，越食係越失望。
不過係靠佢填飽個肚同回本，無辦法都係要食。
之後去到台式小食，其實台式火鍋嘅一大重點就係地道小食。
當日好興奮咁樣每日都點啲嚟試吓，點知又出事。
第一次食無肥肉嘅台灣腸，所有滷水牛筋/蛋/牛肚都係無味無道，油炸鬼就炸到好似餅乾咁嘅口感，鹽水雞又無香料味，台灣葱餅又炸到硬晒。差到講唔晒，所有小食真係無水準可言，全部基本上係是但求其整。放到入口你都唔會知自己食緊咩囉。
唯一有水準係魔鬼炸雞扒，有辣味有希望。
甜品方面又係搞笑，基本上食放題或者牛涮鍋都係會包你杯雪糕或者乳酪。呢度係要你影相上社交平台先比得個杯勁細嘅雪糕你食。然之後鮮草芋圓又甩咗單追好耐先送到，唔講以為啲芋圓係一粒粒喺廚房入面搓緊。
總括，呢一餐係完全食到無晒心機，一路食一路呻難食。知道佢係同牛氣同一集團，但係冇諗過質素爭咁遠。只可以講，你打住「台式火鍋」嘅名堂，最緊要嘅湯底同埋地道小食都做到一塌糊塗。不如做返普通牛涮鍋算啦好無？到時小食甜品求其做都唔會話咁易出事。
最相映成趣係嗰種環境同食物嘅落差，行入去嗰陣見到好用心嘅裝修係會幻想應該會好好食，點知到食完出嚟經返條同一條路離開就覺得好大落差，因為成件事真係得個樣。兩個人埋單唔多成600蚊但完全唔知自己食左d乜，係點都唔會有next time
Post