拉麵太郎 (Closed)

經過這間拉麵太郎，門口寫住日文字的招牌，企左係門口睇睇餐牌，拉麵店的老闆拉開門，微笑著望住我地，原來這店真的是真正日本人開的拉麵店，相信會在這裡可品嚐地道的日本拉麵🍜見到店舖貼了幾張京都嵐山一年四季的相片，原來這店的元祖店是開在嵐山的嵯峨野，每次去日本都覺得只要是日本人開的拉麵店就是有品質的保證，因為他們對食物料理有一種執著💪🏽首先，叫了四款小食，炸餃子🥟、炸雞、薯仔沙律及牛肉味的炸薯餅，這店的小食分開兩款size，而且價錢算是幾大眾化，好似我地兩人又想食多款小食，就可以叫哂細size，每款都可以試d。呢四款小食當中特別欣賞的是炸牛肉薯餅和炸雞，即炸即食，香脆可口。在拉麵方面，我就叫左豚骨醬油拉麵加炸雞（$99），豬骨湯底濃郁且帶有少少微辣，炸雞及叉燒各有2塊、大大塊，肥肉唔多，不會太膩，很足料，價錢都很合理～而另一款拉麵是咖喱牛肉拉麵（$109），這個拉麵送上枱時，陣陣咖哩香味，而咖哩拉麵湯底好少拉麵店可以食到，但係真係幾特別，咖哩味香濃，甜中帶少少辣，的確唔錯～