Fun Fun 串串鍋 (Closed)

平時就同朋友食開日式火鍋多，今次朋友就帶我去旺角百寶利商業中心，到食麻辣串串鍋，上到去已經好爆滿了，等左陣，我地就可以入得去，地方環境整潔，唔會感覺濕淋淋我就叫左重慶麻辣湯鍋(小辣)湯底又麻又辣，超級上癮(建議:唔食得辣既朋友仔，就選擇bb辣度，因為食落都偏辣)除左有竹籤版串串火鍋配料外都仲有普通配料可以係出面雪櫃到自行夾返埋位，我就鐘意食腸仔，煙肉包蕃茄仔(蕃茄仔食落口，爆汁同清甜)，金菇肥牛，魷魚(爽口)，生根同響鈴就吸哂湯汁另外仲有1張紙仔可以落單例如有肥牛(肥瘦適中)，串串芫茜牛(鐘意芫茜既朋友一定要食)，鮮甜沙白，香滑鴨血，薯粉食完火鍋之後仲可以食埋雪糕/雪條，飲品都可以係出面自取，係一個十分豐富既晚餐