無敵家

Open Now

Now Closed

夜晚想食日本嘢，飲番杯傾吓偈，上網睇到呢間距離地鐵站近近地，就揀咗呢間。成間舖頭都有佢地招牌嘅名，好多牌匾。喺樓梯上樓嘅時候，見到有好多自家製嘅梅酒，一排擺晒喺度，吸引晒注意力，仲有寫埋年份🥃。2樓位置都幾闊落，就算我哋得兩個人都俾咗四個人嘅話呢我哋，坐得好舒服，唔會迫，咁啱張枱嘅位置同隔離距離都比較遠，方便傾偈。$58 免冶雞肉軟骨棒🍗$38 雞翼$38 帆立貝串$28 串燒日本年糕🍡$58 厚切牛舌$198 頂級小牛排🥩$58 炸雞軟骨$55 蜜桃燒酒🍸最鍾意就係食自家製嘅雞肉軟骨棒，燒到焦香，配埋生雞蛋，絕配，入口食到雞肉嘅軟滑，又有雞軟骨嘅口感。另外就係頂級牛小排，脂肪分布好均勻，燒得啱啱好，放入口，牛嘅油脂味爆出嚟，落咗少少青檸，就唔會太油膩。試過喺其他地方食呢種牛肉，會有筋而咬唔開。牛舌串燒有3塊，火候控制得好好，就算係厚切都唔會咬唔到，入口好爽。雞全翼燒到雞皮脆口，但雞肉都仲滑，配酒一流。