Video
Read full review
2005-08-13
20 views
昨晚約了一行八人到新城市廣場, 在眾多新餐廳中, 千挑萬選....選了個爛燈盞....香葉坊, 所以真是不吐不快。真係呃錢, 又唔抵食, 碟頭好細食極唔飽, 好似有好多新奇餸菜給引, 令你好想叫好多好多食物來試, 但食物味道及質素都强差人意, 我哋大大話叫咗成十幾碟嘢, 都無碟好食, 只是有一味輕燒吞拿魚就真係好食, 可能魚肉生鮮, 半生半熟, 口感幾好, 配以檸檬調教的汁料, 清新好味。柚子沙律酸到嘔,又無柚子; 全部食物只得一人份量的碗碟大細, 不管是appetize or main course 都係, 甚至冬蔭公湯(味道ok,但好鬼多香茅,"慘" 口, 喝時要預先處理)、炒貴刃(喊及齋=鼓油王貴刃)、黃葱飯(乾、硬,至慘係無味), 都不能給大伙兒share, 我想就算係一個人食都不飽肚。併盆應該係二人份量only, 蝦餅唔似蝦餅, 根本唔係用蝦肉造, 好似係魚肉或其類似的整成,味道一般未算最差, 但失了食蝦餅的樂趣。特色有咖啡骨,待應大力推薦,都幾得意同特別,看得出廚師有心思, 咖啡味包著豬肉骨, 但有感覺似食緊香濃咖啡蛋糕但係個texture係肉,同埋係喊味的食物, 感覺新奇
真係呃錢, 又唔抵食, 碟頭好細食極唔飽, 好似有好多新奇餸菜給引, 令你好想叫好多好多食物來試, 但食物味道及質素都强差人意, 我哋大大話叫咗成十幾碟嘢, 都無碟好食, 只是有一味輕燒吞拿魚就真係好食, 可能魚肉生鮮, 半生半熟, 口感幾好, 配以檸檬調教的汁料, 清新好味。
柚子沙律酸到嘔,又無柚子; 全部食物只得一人份量的碗碟大細, 不管是appetize or main course 都係, 甚至冬蔭公湯(味道ok,但好鬼多香茅,"慘" 口, 喝時要預先處理)、炒貴刃(喊及齋=鼓油王貴刃)、黃葱飯(乾、硬,至慘係無味), 都不能給大伙兒share, 我想就算係一個人食都不飽肚。
併盆應該係二人份量only, 蝦餅唔似蝦餅, 根本唔係用蝦肉造, 好似係魚肉或其類似的整成,味道一般未算最差, 但失了食蝦餅的樂趣。
特色有咖啡骨,待應大力推薦,都幾得意同特別,看得出廚師有心思, 咖啡味包著豬肉骨, 但有感覺似食緊香濃咖啡蛋糕但係個texture係肉,同埋係喊味的食物, 感覺新奇, 但不會激起人食慾,你唔會想食多件或再食多次, 因為係膩口的, 試過一次就夠。
咖喱紅鴨肉, 如果鴨肉單食應該好味過現在配以咖喱, 咖喱好喊,無咖喱味, 鴨肉肉質有口感但唔係好夠未, 即是好似咖喱汁還咖喱汁, 鴨還鴨, 並沒有同時煮調過。
最慘係薄餅呀, 我無去過咁差又孤寒的餐廳食薄餅。喂, 絶對不是星馬形式的薄餅, 無味、煎得又"那西", 唔係脆又唔熱, 仲要係一面好煨的, 真係我在超市買的薄餅返去自己煎都好好食過佢。同埋我問待應有幾塊, 話哂都成八個人都要預多些份量,先至可以飽肚假,待應回應有八塊, 我哋order咗兩碟, 諗住每人都有塊兩塊都可以充饑啦呱!......誰不知, 佢居然係兩個圓形的薄餅,每個十字形切開四份, 共八份, 你話佢係唔係孤寒得好緊要! 我唔係好記得幾錢碟, 肯定係四十元以上一碟, 去超市買十幾元一包有五、六塊, 但自己整一定好食過這間餐廳, 無難度, 差在廚子有無心基去做。
仲有order咗個羊柳, 無羊味, 質料差。雞翼尚可, no complaint, 其他食物無咩印象了, 只會說唔抵食囉!
出街食飯預咗貴, 但貴得來要有價值, 就無所謂, 食要味度, 佢真係無囉, 後悔無先看其他評語就去, 佢哋食物大概係50-80元不等, 看似唔貴, 但蚊型份量, 你要叫好多先至可以填飽個肚, 我哋八人總共食了每人165元咁上下, 但只有怨恨無enjoy囉!
我哋話過以後都唔會去, 難委佢有咁多人排隊等呀, 相信都係比佢個環境及賣相吸引而己。
這間係智者必不去的餐廳, 同埋反映咗美心集團都未必有信心的保証, 質素好差, 有錢裝修無錢請廚師。奉勸各位多一句, 同一個場或同一層都有好多其他食肆選擇, 有錢都唔好試這間。
Post