Video
Read full review
2019-12-11
2490 views
訂枱訂六點，因為費事老人家太晏食野。同埋可以早d 返屋企睏。用OpenRice 訂座，有專人打黎確認訂座。提醒有兩小時用餐。去到見到有聖誕餐牌。但要預訂既。好彩問左有兩客。咁就叫左一個試試。二人餐黎既，所以我地叫左呢個再叫左小小散叫。二人餐黎講算大份，無諗過蝦餅會有四塊。打成蝦膠，中間無粒粒蝦肉，但加埋炸蝦麵，好脆好美味鹽焗魚好大條，但由於係鹽焗，只要你舊魚肉掂到魚皮就會好咸。廚師整得條魚好juicy. 一切開果下，魚汁就流出黎既。再黎半隻雞，無諗過會有埋雞腳上枱既。成隻雞都係好juicy. 皮厚身，雞本身偏肥，無乜雞胸肉食，但就有勁大隻雞髀。雞亦唔係好熟。番薯夠甜。抱子甘藍唔算苦。散叫既有紅菜頭牛油果沙律。望落去細細份咁樣。但味道不錯。再叫左啫啫雞翼煲，有小小辣。而且可惜既係有幾隻雞翼都唔熟見紅。再叫左個八爪魚豬腩。有南乳味。豬腩夠林，八爪魚林得黎好味道。加上蔥蒜寧舍好味。最後上埋套餐既dangerously rich choco cake 作為尾聲。實在太好喇。超濃朱古力蛋糕唔甜，有食黑朱古力既感覺。一個人分分鐘食到兩件。加上呢度有好多手工啤。飲下唔同既啤酒係正常喇。今次試左舒麻如
用OpenRice 訂座，有專人打黎確認訂座。提醒有兩小時用餐。
去到見到有聖誕餐牌。但要預訂既。好彩問左有兩客。咁就叫左一個試試。
二人餐黎既，所以我地叫左呢個再叫左小小散叫。
二人餐黎講算大份，無諗過蝦餅會有四塊。打成蝦膠，中間無粒粒蝦肉，但加埋炸蝦麵，好脆好美味
鹽焗魚好大條，但由於係鹽焗，只要你舊魚肉掂到魚皮就會好咸。
廚師整得條魚好juicy. 一切開果下，魚汁就流出黎既。
再黎半隻雞，無諗過會有埋雞腳上枱既。
成隻雞都係好juicy. 皮厚身，雞本身偏肥，無乜雞胸肉食，但就有勁大隻雞髀。雞亦唔係好熟。
番薯夠甜。抱子甘藍唔算苦。
散叫既有紅菜頭牛油果沙律。望落去細細份咁樣。但味道不錯。
再叫左啫啫雞翼煲，有小小辣。而且可惜既係有幾隻雞翼都唔熟見紅。
再叫左個八爪魚豬腩。有南乳味。豬腩夠林，八爪魚林得黎好味道。加上蔥蒜寧舍好味。
最後上埋套餐既dangerously rich choco cake 作為尾聲。實在太好喇。
超濃朱古力蛋糕唔甜，有食黑朱古力既感覺。一個人分分鐘食到兩件。
加上呢度有好多手工啤。飲下唔同既啤酒係正常喇。今次試左舒麻如醉，有四川peppercorn. 聞落幾甜，老公話麻麻地。反而Tripel Karmeliet 佢覺得幾好。
想試手工啤既不妨試試。佢地仲有唔同大細選擇。
Post
