Video
Read full review
2012-07-26
74 views
openrice 真係為我地愛吃o既人造福不少 , 紅磡區對我黎講, 一向就只有紅館同黃埔 , 如果唔係o係 openrice 睇到生記o既食評 , 我地都無可能會知道呢度有間咁正o既膏蟹粥 舊區舊式舊餐廳 , 環境方面定必失色左 d ,但佢就係有能力令大家企門口排隊等食 , 入座要快叫快食快埋單 , 就好似去澳門食水蟹粥咁 , 速戰速決之餘 , 仲十次有九次要搭枱初次品嚐 , 當然要黎個招牌膏蟹粥啦 , 再加兩樣小食 1. 生滾膏蟹粥~ 用瓦煲新鮮生滾 , 上枱仲係起緊泡泡 , 正 !!粥底被蟹膏染得金黃 , 傳黎陣陣鮮甜味 , 入口綿滑 , 蟹膏o既關係 , 有 d 糊口 , 而且米少蔥花十足 , 食落更力香 , 輕輕加 d 胡椒粉己經好好味隻蟹無被滾得過熟 , 唔會無晒甜味 , 只係蟹蓋無晒 d 膏蟹身都幾多肉 , 幾大隻 , $ 108 兩個人食剛剛好 , 抵呀 !!2. 炸八爪魚丸~ 一客六粒 , 配以泰式辣雞醬 , 好似炸蝦餅咁只係換左做八爪魚 , 做成丸狀 , 唔算好特別味道亦係一般 , 勝在熱烘烘上枱 , 香脆味美 3. 蠔仔春卷~ 意想不到咁好食 , 用全蠔仔做春卷餡
紅磡區對我黎講, 一向就只有紅館同黃埔 ,
如果唔係o係 openrice 睇到生記o既食評 ,
我地都無可能會知道呢度有間咁正o既膏蟹粥
舊區舊式舊餐廳 , 環境方面定必失色左 d ,
但佢就係有能力令大家企門口排隊等食 ,
入座要快叫快食快埋單 , 就好似去澳門食水蟹粥咁 ,
速戰速決之餘 , 仲十次有九次要搭枱
初次品嚐 , 當然要黎個招牌膏蟹粥啦 , 再加兩樣小食
1. 生滾膏蟹粥~ 用瓦煲新鮮生滾 , 上枱仲係起緊泡泡 , 正 !!
粥底被蟹膏染得金黃 , 傳黎陣陣鮮甜味 ,
入口綿滑 , 蟹膏o既關係 , 有 d 糊口 , 而且米少
蔥花十足 , 食落更力香 , 輕輕加 d 胡椒粉己經好好味
隻蟹無被滾得過熟 , 唔會無晒甜味 , 只係蟹蓋無晒 d 膏
蟹身都幾多肉 , 幾大隻 , $ 108 兩個人食剛剛好 , 抵呀 !!
2. 炸八爪魚丸~ 一客六粒 , 配以泰式辣雞醬 , 好似炸蝦餅咁
只係換左做八爪魚 , 做成丸狀 , 唔算好特別
味道亦係一般 , 勝在熱烘烘上枱 , 香脆味美
3. 蠔仔春卷~ 意想不到咁好食 , 用全蠔仔做春卷餡 , 的確創新
蠔仔唔係平時食蠔仔粥o個 d 咁肥美咁漲卜卜 ,
係再細色 d , 偏灰黑色o個種 , 不過無乜所謂
反正包左o係春卷入面 , 無乜人會食左層皮黎睇下 d 蠔仔
外層係香脆o既春卷皮 , 內裏係軟到幾乎入口即溶o既小蠔仔
口感良好 , 味道亦叫人讚嘆 , 蠔仔一d 都唔腥 ,
咬落並無油膩o既感覺 , 反而流出鮮甜o既蠔仔汁 , 正 !
## 呢一餐食得好趕 , 一黎我地夜左黎 , 二黎有比我地更夜o既客人仲o係出面等位
己經睇定左仲有好多野想黎試 , 希望唔好加價加得太快吧
Post
