峇里餐廳 (Moved) New Location

今日和朋友往峇里餐廳食dinner, 餐廳細細個時已食過, 以前是在南京街的, 現在搬往廟街, 地點更方便, 餐廳座位環境鬆動,位與位之間有一定既距離唔會太迫, 坐得好舒適。食物方面,一坐低已經有蝦片提供, 蝦片脆卜卜, 美味前菜；我們點了峇里炒玉豆, 班蘭椰香黃薑飯, 加多加多沙律和雞肉朱肉沙爹串。峇里炒玉豆賣相雖然一般, 但食落四季豆炒得好有豆香, 並不油膩, 辣度適中, 好惹味；班蘭椰香黃薑飯賣相好香, 材料十分有驚喜, 有巴東牛肉, 椰香飯、酸辣雞蛋和魚香花生, 巴東牛肉辣味適中, 入口即熔, 椰香飯很有飯香, 飯好有嚼勁, 食落有味道一流, 而且飯有啖啖班蘭椰香味, 口感豐富酸辣雞蛋略嫌油份太多, 辣味略嫌不夠, 但雞蛋好有蛋香, 魚香花生食落脆卜卜, 熱辣辣, 配黃薑飯食一流；加多加多沙律蛋好香滑, 配上特製醬汁連蛋一起食, 食落酸酸甜甜, 口感豐富；最後我們點了雞肉朱肉沙爹串, 沙爹醬辣味香濃, 雞肉燒得略嫌焦, 但配上沙爹汁食, 口感好豐富,朱肉中份量適中, 朱肉好爽口, 有油花, 美味。今日order的餐廳食物食出以前風味, 好窩心, 食到以前味, 保持水準,今晚很開