石亭居酒屋

Open Now

Now Closed

一個寒冷既晚上走在尖沙咀的街頭，同三五之己想搵到地方食下野，飲下酒，我推介大家可以試下日式居酒屋，和亭。一來個前菜就是凍食水晶菜，水晶菜特別之處係表面有好多水珠，一咬落去口腔充滿住水，係食正餐之前濕潤下口腔。今次我地黎飲酒為主，主要介紹送酒小菜，先來是白子配魚肝，味道上帶有酸味，十分醒胃，入口融化既白子配有咬口既魚肝，有不同的口感。之後來了一個雜錦天婦羅，有蝦，有魚，有南瓜等，最深刻有苦瓜，整體佢表面唔會太厚粉，裹面仲保持到嫩，唔會乾哂，個苦瓜炸完之後好香口之後仲無左苦瓜既澀。係天婦羅既旁邊有炸左既蝦頭，店主會呢個可以當薯條咁食，送酒是非常夾，食落十分香口，好脆，送酒一流。最後推介一個清酒煮蜆，出面好多都會出現既情況係有酒味無蜆味，或有蜆味無酒味，呢個好在入口時一陣陣既清酒香味停在口腔一會，隔會蜆既鮮甜隨之跟上。