Video
Read full review
2014-02-06
337 views
成晚牙痛...以為出智慧齒, 第二朝索性請假睇牙醫...自細最怕就是睇牙醫, 到現在都要媽咪陪, 媽咪當然義不容辭!睇完只是牙肉發炎, 虛驚一場...跟小時候一樣, 睇完牙媽咪都一定帶我去食粥~而食粥就一定要去"為食街"的國記, 原因好簡單...因為媽咪由細幫襯到大!入到去好快就有位, 當然2個人多數要"搭檯"...店內都是圓檯圓櫈~我自己都好多年無幫襯, 同小時候一樣, "兩碗豬紅粥, 牛腸~~~"伙計都不用紙筆記單, 講一連串的"術語"就OK, 甚少出現漏單的情況~好似"一碗擺尾!"...我問媽咪: "乜野擺尾?" 媽咪解答: "魚片粥囉!!" (笑)豬紅粥 - HK$13@國記的粥底是生滾的, 如果你要食好綿好濃的就不是你杯茶!粥底味道夠, 豬紅不是很重味, 一齊食很配! 好足料, 豬紅食極都有!牛肉腸 - HK$13@反而牛腸有少少失望, 皮不夠薄, 勝在入面的牛肉同自家豉油都恰到好處!邊食媽咪一邊話當年..."細細個你呀婆就同我黎...讀書又黎食..." (下刪N字)雖然聽過N次, 不過見到媽咪想完當年滿足的樣子就知道很多回憶呢!走的時候伙計還跟媽咪吹水, 哈哈...果然是熟
自細最怕就是睇牙醫, 到現在都要媽咪陪, 媽咪當然義不容辭!
睇完只是牙肉發炎, 虛驚一場...跟小時候一樣, 睇完牙媽咪都一定帶我去食粥~
而食粥就一定要去"為食街"的國記, 原因好簡單...因為媽咪由細幫襯到大!
入到去好快就有位, 當然2個人多數要"搭檯"...店內都是圓檯圓櫈~我自己都好多年無幫襯, 同小時候一樣, "兩碗豬紅粥, 牛腸~~~"
伙計都不用紙筆記單, 講一連串的"術語"就OK, 甚少出現漏單的情況~
好似"一碗擺尾!"...我問媽咪: "乜野擺尾?" 媽咪解答: "魚片粥囉!!" (笑)
豬紅粥 - HK$13@國記的粥底是生滾的, 如果你要食好綿好濃的就不是你杯茶!
粥底味道夠, 豬紅不是很重味, 一齊食很配! 好足料, 豬紅食極都有!
牛肉腸 - HK$13@
反而牛腸有少少失望, 皮不夠薄, 勝在入面的牛肉同自家豉油都恰到好處!
邊食媽咪一邊話當年..."細細個你呀婆就同我黎...讀書又黎食..." (下刪N字)
雖然聽過N次, 不過見到媽咪想完當年滿足的樣子就知道很多回憶呢!
走的時候伙計還跟媽咪吹水, 哈哈...果然是熟客仔!
Other Info. :
印象中鹹肉粽都好好食, 隻牙好番再黎食先!
(The above review is the personal opinion of a user which does not represent OpenRice's point of view.)
Post
