檀島咖啡餅店 (軒尼詩道)

Open Now

Now Closed

今日同朋友打算係灣仔求其搵間茶餐廳食午飯，檀島咖啡餅店係Openice第一個搜尋結果，最後選擇左檀島咖啡餅店。餐廳貼左好多電影劇照同海報，原來電影「月滿軒尼詩」係餐廳既卡位取景，唔知係咪我坐緊既卡位呢🤣- 夾心西多士夾心餡可以選擇咖央、朱古力同花生醬。西多士炸到金黃色，外脆內軟，一切開咖央醬就流晒出嚟🤤，味道無花生醬咁油膩。- 蛋撻蛋撻酥皮好鬆化，蛋香滑溜，整體甜度適中。- 沙嗲牛肉煎蛋撈丁麵配紅豆冰沙嗲醬好惹味，味道有少少鹹，但撈埋蛋黃中和返。入面有花生碎增加口感。出前一丁煮得啱啱好，唔會話好稔。牛肉唔算好軟稔，但勝在份量夠多。至於紅豆冰好大杯，紅豆都幾淋身，味道唔算太甜。