Video
Read full review
2022-09-03
1458 views
本身就係潮州妹嘅我，真係細細個食潮州粥、潮州餸大。近年因為媽媽不在，已經少了很多機會食到家常潮州便飯。自從加入潮州菜關注群組，攬到我心思思食日想食，終於今晚約埋家姐去九龍城食潮州菜。八點左右去到，已經坐滿座要等位。老闆娘都好好拎咗啲摺椅比我地坐住等。大概十五分鐘左右終於有檯了。入座後即刻睇吓食啲乜。潮州人家常飯餸 《潮州春菜》，呢個食番兒時屋企的味道。細細個屋企一定有一煲坐鎮，春菜要煮到又淋又入味，放入鹹豬肉，春菜吸收鹹肉香，送粥一流。《胡椒豬肚湯》呢個都係童年回憶，記得細個試過幫手洗豬肚，又要粗盬去潺又要白鑊炒完先煲，工夫都係唔少。另外胡椒最緊要煲夠時間先會爆開，湯先夠胡椒香辣味，飲完十分暖胃有益。加埋潮州酸菜，成個湯鹹鹹酸酸辣辣，又係一個湯，啲豬肚酸菜又可以做一個餸。《滷水鵝片》滷水鵝以前好矜貴，記得細個每逢過時過節，媽媽先會買一隻鵝返嚟自己劏。整滷水鵝要搞足兩日，都算是功夫菜之一。食鵝點都要有少少肥至好味，滷水夠味，入口有花椒八角香。呢間嘅鵝肉嫰甘香，片片厚薄均一，啖啖鵝肉令人齒頰留香。《煎蠔仔餅》真係潮州菜最受歡迎熱門菜之一。香脆惹味，蠔仔鮮甜，加埋芫荽蔥同魚露，大人小朋友都鍾
八點左右去到，已經坐滿座要等位。老闆娘都好好拎咗啲摺椅比我地坐住等。大概十五分鐘左右終於有檯了。入座後即刻睇吓食啲乜。
潮州人家常飯餸 《潮州春菜》，呢個食番兒時屋企的味道。細細個屋企一定有一煲坐鎮，春菜要煮到又淋又入味，放入鹹豬肉，春菜吸收鹹肉香，送粥一流。
《胡椒豬肚湯》呢個都係童年回憶，記得細個試過幫手洗豬肚，又要粗盬去潺又要白鑊炒完先煲，工夫都係唔少。另外胡椒最緊要煲夠時間先會爆開，湯先夠胡椒香辣味，飲完十分暖胃有益。加埋潮州酸菜，成個湯鹹鹹酸酸辣辣，又係一個湯，啲豬肚酸菜又可以做一個餸。
胡椒豬肚湯
20 views
1 likes
0 comments
《滷水鵝片》滷水鵝以前好矜貴，記得細個每逢過時過節，媽媽先會買一隻鵝返嚟自己劏。整滷水鵝要搞足兩日，都算是功夫菜之一。食鵝點都要有少少肥至好味，滷水夠味，入口有花椒八角香。呢間嘅鵝肉嫰甘香，片片厚薄均一，啖啖鵝肉令人齒頰留香。
滷水鵝片
93 views
1 likes
0 comments
《煎蠔仔餅》真係潮州菜最受歡迎熱門菜之一。香脆惹味，蠔仔鮮甜，加埋芫荽蔥同魚露，大人小朋友都鍾意食。
煎蠔仔餅
29 views
1 likes
0 comments
《韮菜豬紅》呢間韮菜夠嫩，吾會好老好多筋。豬紅整得幾出色，又夠滑又夠味，真係好好食。普通食材都煮得好昧，呢個先利害。
韮菜豬紅
27 views
0 likes
0 comments
《高手反沙芋》係潮州經典菜式。每逢農曆新年媽媽都會整。不過因為生芋頭會令皮膚痕癢，所以冇學過整。依家相信都越嚟越少人識整，所以幾飽都好，家姐堅持要食。芋頭好靚夠粉，師傅真係高手，每件芋頭都均勻沾上沙糖，真心十分欣賞。
最後，我哋當然食唔曬，吾好浪費，打包咗返屋企比阿仔宵夜，等佢都品嚐一下潮州傳統飲食文化。
高手反沙芋
32 views
1 likes
0 comments
老闆娘同高手師傅都好有善，知我哋兩個係潮州妹，一有空閒就走埋嚟坳水吹，仲話請我哋飲多支青島咁話喎，真係感受番兒街坊的人情味。
臨走仲要比我見到肥美鹽焗烏頭魚，今次無食下次一定要食。
Post
