Video
Read full review
2010-04-26
143 views
尋日book唔到Amber後，最終揀了felix 試吓。雖然有專“車立”直達felix，但到28樓時“車立” 裡面卻突然一暗，讓有人以為有壞 車立既感覺，亦完全feel唔到felix 係為左比大家適應餐廳較暗的燈光。坐埋位口後，等左10分鐘，個waiter 才施施然攞個menu 過黎。由於menu 內有d食物係用法文寫，我就想叫waiter 過黎解釋吓，但係我在接近5分鐘內舉左手6次都冇人發現，有個waiter 更迴避我的eye contact，好像生怕要為難他點菜或甚麼似的﹗服務質素果然同其他食評家所講一樣咁差。頭盤有得揀 butternut squash soup or roasted baby beets，而我就揀左後者。Red beets 同 golden beets 味道可以，但跟類似Balsamic vinegar 既Jelly 夾黎食除左滯既感覺總係有點夾夾不入，spiced pecans做得亦都比較參差，4粒pecans 中只有2粒好食，較為正常既就只有goat cheese。主菜可選魚或牛。因為之前點了紅酒，當然試吓個beef tenderloin la。Beef t
雖然有專“車立”直達felix，但到28樓時“車立” 裡面卻突然一暗，讓有人以為有壞 車立既感覺，亦完全feel唔到felix 係為左比大家適應餐廳較暗的燈光。
坐埋位口後，等左10分鐘，個waiter 才施施然攞個menu 過黎。由於menu 內有d食物係用法文寫，我就想叫waiter 過黎解釋吓，但係我在接近5分鐘內舉左手6次都冇人發現，有個waiter 更迴避我的eye contact，好像生怕要為難他點菜或甚麼似的﹗服務質素果然同其他食評家所講一樣咁差。
頭盤有得揀 butternut squash soup or roasted baby beets，而我就揀左後者。Red beets 同 golden beets 味道可以，但跟類似Balsamic vinegar 既Jelly 夾黎食除左滯既感覺總係有點夾夾不入，spiced pecans做得亦都比較參差，4粒pecans 中只有2粒好食，較為正常既就只有goat cheese。
主菜可選魚或牛。因為之前點了紅酒，當然試吓個beef tenderloin la。Beef tenderloin 味道唔可以話差，但只是比自助餐既燒牛肉略好。反而個potato risotto 做得比較有心思。
Dessert唯一的選擇 Coconut three-ways可為一d都唔吸引。Coconut sobert 在攞過黎時已溶了一半，mango custard pudding 勁酸，好明顯係選取食材既問題，再加上好似為湊夠數而落既coconut foam 黎食真係令人倒胃。
最後叫左杯earl grey，茶過濃，送茶既茶點比dessert 甜幾倍。 在接近8點鐘時，那位在我點菜需要介紹時故意不跟我對望的waiter 第一時間要我埋單，然後叫我鍾意既話可以將食物同茶搬上bar table 到食。橫觀四周，半數人都是order early bird set 的人，為何只有我一枱突別不受歡迎呢?
原來，在座除我這一枱外，每枱也至少有一位外藉人士。在一間國際5星酒店裡面既waiter 竟然都係一個嚴重既種族主義者，外國人看來在這裡的waiters 中就是比較高級吧﹗
總結黎講，食物質數只屬一般，服務質數直頭離譜。連waiter 都會歧視香港食客，這是完全不能令人接受的﹗我諗我幾年來都唔會再幫襯felix，食到一肚氣﹗
Post
