Video
Read full review
2021-05-31
224 views
早幾日去開黃埔嗰邊，順便探舊同事，於是就買少少嘢上去，廢事兩手空空啦。黃埔有「皇玥」餅店，咁就啱哂啦，唔使煩買乜😛。一入到去我經已鎖定目標🔒，皆因之前食過佢嘅薄脆，覺得超正！我有晚喺公司加班，自己一條友啪咗三包😋，勁誇張，因為真係食到上癮呢。薄脆有四款口味，兩鹹兩甜，包括檸檬、蕃茄、芝士同伯爵茶。對我而言，每款都各有特色，全部都鍾意❤️，打和！價錢方面，幾款口味劃一價，不過多買多平。每包獨立包裝大概有八塊薄脆(掛住食無特別數…)，🎁唔同禮盒就分別有二包、四包或者八包。薄脆其實即係餅乾🍪，但主要分別在於個口感。薄脆有如薯片咁脆，有過之而無不及。每一塊都好輕盈，目測厚度不足2毫米，呢個絕對係爽脆嘅關鍵😋。同時，非油炸亦感覺健康啲。不過留意返，開咗就要即刻食哂，唔好就咁放喺度，或者等遲啲先再食，否則就會變淋、變到唔好食。伯爵茶薄脆精選禮盒($68)，一盒兩包，佢無同另一隻味做孖裝登場。伯爵茶係幾款當中味道最濃郁的，茶味好突出🌱。我感覺佢係落咗茶葉碎去製作，但你就唔會食到茶渣。整體係幾出色，不過偏甜少少，我自己就覺得無問題。蕃茄·芝士薄脆精選禮盒($118)，一盒四包，兩款口味各二。包裝上有用貼
早幾日去開黃埔嗰邊，順便探舊同事，於是就買少少嘢上去，廢事兩手空空啦。黃埔有「皇玥」餅店，咁就啱哂啦，唔使煩買乜😛。
一入到去我經已鎖定目標🔒，皆因之前食過佢嘅薄脆，覺得超正！我有晚喺公司加班，自己一條友啪咗三包😋，勁誇張，因為真係食到上癮呢。
薄脆有四款口味，兩鹹兩甜，包括檸檬、蕃茄、芝士同伯爵茶。對我而言，每款都各有特色，全部都鍾意❤️，打和！
價錢方面，幾款口味劃一價，不過多買多平。每包獨立包裝大概有八塊薄脆(掛住食無特別數…)，🎁唔同禮盒就分別有二包、四包或者八包。
薄脆其實即係餅乾🍪，但主要分別在於個口感。薄脆有如薯片咁脆，有過之而無不及。每一塊都好輕盈，目測厚度不足2毫米，呢個絕對係爽脆嘅關鍵😋。同時，非油炸亦感覺健康啲。不過留意返，開咗就要即刻食哂，唔好就咁放喺度，或者等遲啲先再食，否則就會變淋、變到唔好食。
伯爵茶薄脆精選禮盒
$68
7 views
0 likes
0 comments
伯爵茶薄脆精選禮盒($68)，一盒兩包，佢無同另一隻味做孖裝登場。伯爵茶係幾款當中味道最濃郁的，茶味好突出🌱。我感覺佢係落咗茶葉碎去製作，但你就唔會食到茶渣。整體係幾出色，不過偏甜少少，我自己就覺得無問題。
蕃茄·芝士薄脆精選禮盒
$138
7 views
0 likes
0 comments
蕃茄·芝士薄脆精選禮盒($118)，一盒四包，兩款口味各二。包裝上有用貼紙分辨口味，所以唔驚撈亂🙏🏻。我稱呢兩款為鹹味，不過實際上佢哋一啲都唔重口味。🍅蕃茄味唔酸，食落帶點乾蕃茄香。🧀芝士味則唔係市面上嗰類芝士餅，而係有啲芝士蛋糕嘅感覺。兩者都係行清新路線，攞到食材嘅精髓，但並無過膩，仲滿滿牛油香，好食。
總括嚟講，皇玥嘅出品無得彈👍，價錢雖則唔平，但無論味道定包裝都令人滿意，送禮自用皆宜！喺店內一張單過買滿$200，即減$50🈹，其實幾抵，想買嘅就不妨湊夠數，做過精明消費者。我另外仲買咗月餅券，因為早買有早鳥優惠哦😆。
Post
