城八日本料理

Open Now

Now Closed

一直都想黎呢間日本餐廳食飯，趁好朋友生日，而我地都鍾情日本菜，一於同佢食好啲慶祝，結果不負所望，食得開心又滿足，朋友都好滿意。拖羅刺身 : 拖羅每件都好厚，份量十足。脂肪分佈均勻，未食都已經知道高質，一食入口，油香充滿整個口腔。燒北海道帶子 : 帶子燒到好香口，本身肉質好嫩 滑、好   鮮甜、好juicy。三重蝦/海膽/三文魚籽壽司 : 壽司都係即製即上枱，軍艦塊紫菜仲卜卜脆，刺身蝦鮮味，海膽甘香味濃，三文魚籽粒粒都食到卜卜聲。左口裙邊壽司: 一向愛食左口裙，炙燒過油香更濃烈。南瓜/蝦/蕃薯天婦羅 : 天婦羅整得好好，脆口。南瓜同蕃薯都好得。