宴 尖沙咀

同男朋友嚟呢間居酒屋食火鍋放題😋 有好多唔同套餐揀，我哋就揀咗竹餐試吓啲嘢食～呢個套餐得松葉蟹同鮑魚係一次性，其他食材包括宮崎和牛都係任食！正到爆！我哋揀咗醬油湯同豬骨湯做湯底，醬油湯底鹹味適中，味道好鮮甜而且唔會好油膩☺️ 豬骨湯就鮮香濃郁，兩個湯底都好啱攞嚟打邊爐，越滾越好味～特選宮崎和牛🥩宮崎和牛份量好足，粉紅色嘅色澤睇落好吸引🤩 鍾意入口即溶口感嘅朋友三分熟已經夠晒👍🏼 油花好豐富，但食落去好清爽，唔愧係冠軍和牛！🥹松葉蟹半隻🦀松葉蟹本身已經好高質，蟹腳肉質緊緻飽滿，蟹腳入面嘅肉都好足～ 一啖食落去真係好滿足！🥰肉質清甜又滑溜，而且好有韌性，烚幾秒就可以食得，爽口又彈牙！鮑魚🦪鮑魚已經用醬汁慢火去炆，肉質鮮嫩彈牙，而且超級入味！鮑魚已經吸晒醬汁嘅味道，味道好濃郁香嫩！🤤三點刺身拼盤🍣刺身雖然唔係主打但係餐廳一點都唔馬虎！蝦肉好嫩滑爽口，食落帶有鮮甜嘅味道，鮮味十足🤤 三文魚都係厚切！油脂感超級豐富，滑而不膩嘅味道我真係好鍾意❤️