Sabatini 意大利餐廳

Open Now

Now Closed

疫情關係，餐廳提早開11:00，食11:00嘅2:00 last order，3:00前要離開。由於晚上6:00後禁堂食，餐廳唯有做兩轉生意。原本無限時變到有限時，但其實時間好充足，都唔會趕嘅。麵包自制嘅，每款都好好食。意大利菜湯雜菜味濃，伴麵包一流。餐廳會先上一盤前菜/海鮮拼盤，內有哈蜜瓜加火腿，咸香火腿加哈蜜瓜嘅甜簡直係絕配。蟹腳偏咸、龍蝦仲老過本人，所以就算可以無限添食，我都無再encore喇。即制/燒烤食物要自己出去點嘅，佢個他他牛就必食啦；個松露蛋多士都好味，蛋滑，加埋淡淡松露味又係好夾嘅。主菜個羊超級好味，肉嫩多汁，好pink唔會老.... 推..... 個三文魚就正常.....到上甜品時其實都已經飽到上心口，甜品中tiramisu 最好味，其他都正常，無失望。以食物質素及服務計，性價比都高嘅，想食餐好嘅不妨一試。