水門雞飯 (蟾宮大廈)

Open Now

Now Closed

幾年前去泰國曼谷旅行，其中一個景點就係去食水門雞飯。果時第一次食，覺得同海南雞飯個感覺好唔同，唔錯唔錯。近年就打入香港，分店仲要唔止一間，方便左好多。幾間分店我都食過，食得最多就係銅鑼灣店。今次終於的起心肝寫篇食評講下。我叫左個牛肉湯船河，一個椰青。太太叫左個水門雞飯加雞雜。牛肉湯船河，牛肉湯好甜好入味，係泰國船河既味道。水門雞飯有雞味，點左醬超好食。椰青好清甜。要讚下員工既服務態度，由等候入座，坐低，叫野食，到上菜，埋單都好好禮貌，值得一讚。