Video
Read full review
2009-06-27
食日本嘢貴就唔使多講，凈係去食番有咁上下質素嘅壽司都要百鬆D，咁如果加埋刺身、手卷、串燒、拉麵、天婦羅、其他日式料理，仲有日本雪糕全部任食，嘢飲任飲，都一樣收百幾蚊，你話係咪絕對食得過？！哩間嘢成日賣廣告，話原價二百幾，之後就又七折、又六折等等，我哋有優惠券，去到半價，平過佢嘅廣告價，不過就只可食兩粒鐘，都夠晒啦，況且折實咗都係$153，小弟仲要係免費嘅，因為牛一朋友請，多謝晒肥姐、咖喱一家！我哋一行有6個人，因為任食關係，加上點親都一、兩個人份量，盡量點得多種類D，可以樣樣都試吓，所以頭幾輪點嘢都點得幾放架，總之睇落啱食，或唔知係乜又想試食嘅都，食到狂風掃落葉咁，好厲害！睇番食物種類，都算齊全，3張食物紙有70多款和食被你揀，好似刺身7款、壽司11款、手卷6款、串燒選擇最多，有成24款，仲有拉麵、烏冬又6款、天婦羅5款同其他日式料理10多款，雖然都部份食物暫停供應，但只屬少數；而招呼唔錯，侍應收碟、執拾、落單、跟單都OK，前前後後都點咗幾十款嘢食，都有漏單，但情況唔算犀利，都係有幾隸嘢漏；而且，事前講話限食2個鐘，不過，最後過咗2粒鐘都無催我哋走，當然個晚未見再有人等位，佢哋當賣個
哩間嘢成日賣廣告，話原價二百幾，之後就又七折、又六折等等，我哋有優惠券，去到半價，平過佢嘅廣告價，不過就只可食兩粒鐘，都夠晒啦，況且折實咗都係$153，小弟仲要係免費嘅，因為牛一朋友請，多謝晒肥姐、咖喱一家！
我哋一行有6個人，因為任食關係，加上點親都一、兩個人份量，盡量點得多種類D，可以樣樣都試吓，所以頭幾輪點嘢都點得幾放架，總之睇落啱食，或唔知係乜又想試食嘅都，食到狂風掃落葉咁，好厲害！
睇番食物種類，都算齊全，3張食物紙有70多款和食被你揀，好似刺身7款、壽司11款、手卷6款、串燒選擇最多，有成24款，仲有拉麵、烏冬又6款、天婦羅5款同其他日式料理10多款，雖然都部份食物暫停供應，但只屬少數；而招呼唔錯，侍應收碟、執拾、落單、跟單都OK，前前後後都點咗幾十款嘢食，都有漏單，但情況唔算犀利，都係有幾隸嘢漏；而且，事前講話限食2個鐘，不過，最後過咗2粒鐘都無催我哋走，當然個晚未見再有人等位，佢哋當賣個順水人情啫！
老實講，狂風掃落葉咁食足佢2粒鐘，夠晒皮喇！因為目標係想試勻所有嘢（實際梗係唔得啦），所以唔會話凈係揀貴價或者回本嘢哩食，整體食物質素幾好，唔覺將貨就價，一開波就先哩什菜沙律同凍豆腐清清味蕾，刺身同串燒類叫得比較多D，個人就較鍾意食串燒，因為平時少接觸日式串燒，況且晌出面日式串燒店食都唔平架，所以今晚都食得好盡情，好多款串燒都有試，心水有蕃薯、粟米、照燒雞串、八爪魚丸、蝦、牛脷、大蔥豬肉、羊扒同煙肉車厘茄，見我哋食到成筒竹簽就知食咗唔少串啦；而壽司同手卷較易飽肚，所以都精揀咗D哩食，較喜歡有加州卷、芒果炸蝦卷、瀨尿蝦壽司、大蔥吞拿魚腩手卷同牛油果軟殼蟹手卷；天婦羅同其他日式料理，都好多正嘢，例如：蝦天婦羅、南瓜天婦羅、燒秋刀魚、燒鯖魚、炸芝士海鮮卷、炸蠔都食得過，其他嘢就睇我哋個肚容量哩叫，無謂嘥嘢！全晚凈係我自己都飲咗佢4杯嘢，唔係汽水喎，係D特飲哩：凍芒果紅茶、凍蘋果綠茶、甘桔檸檬蜂蜜同凍紫蘇梅，飲嘢都頂番1/3價錢呀，甜品雖然只得日本雪糕，但一樣點可以錯過吖，一口氣獨自試齊晒佢4款口味：芝麻、綠茶、紅豆、朱古力，都係芝麻同紅豆最搶鏡，最好食，想再添，但飽到上心口喇，投晒降！
Post
