綠茵餐廳 (Moved) New Location

早幾日師傅百無聊賴一條友黎左呢個商場行, 以行街為名, 搵野食為實; 但由於一個人食野嘅份量真的不多, 所以選擇亦不大! 盲中中行到黎呢間食店, 見佢光光猛猛就行左入去, 點知.......行到入去, 人唔算多, 可能過左放飯時間, 於是師傅求其搵個位坐底, 就即刻睇下有咩好食同有咩想食! 點知左睇右揀, 都搵唔到有咩吸引師傅, 感覺係叫唔落口, 最後喺冇咩方向下, 就望住個休閒下午茶嘅廚師推介, 叫左蒜香雞扒飯, 而餐飲係凍檸茶!等左一陣就有得食, 蒜香雞扒飯賣相其差, 一望埋去師傅都飽左咁濟, 呢一朝果然使得, 如果唔係d客人點食飽呀? 喺咁嘅情況下, 師傅唯有頂硬上, 先試下塊雞扒, 果然不出師傅所料, 雞扒又乾又鞋, 試問有幾可會試到雞扒係鞋架? 而且煎得一d都香, 絕對唔好食, 加上蒜香汁賣相甚差, 似茄汁非茄汁, 蒜蓉汁非蒜蓉汁, 不倫不類, 一個字 『差』! 凍檸茶亦屬一般, 冇甚驚喜!總括而言食物質素唔合格, 水準之下, 服務普通, 環境尚算舒服, 價錢廿八蚊個餐包埋凍飲, 都接受到! 最後當然係師傅真係食到謝晒, 冇晒心機之餘當然仲有食淨啦, 所以亦帶出左一定冇下次,