麗絲快餐店

Open Now

Now Closed

作為ex邨民，一定唔會唔識麗絲，小弟亦是由細食到大，細個鍾愛炸薯條與魚柳包，覺得好食過麥記，大個收工會買盒咖哩魚柳飯回家，食到lam lam脷如你未試過，必定要試試。前幾年回來探媽媽，都是買她至愛的華聯奶茶，一直冇再步入麗絲。去年媽媽返了天家，今天工作路過，就幫襯麗絲早餐了。叫了早餐A，仍然是懷舊的收銀位及自助吧檯，全店應該不夠廿個位子，店內放滿乾貨濕貨，但看來一眾熟客都早已習慣，完全沒有違和感。早餐A是腿通配腿治，大概亦不會有人質疑這個絕配。腿通的湯頭略甜，通粉不是過淋，仲要蠻有誠意地附上青豆。然後到火腿三文治，麵包尚算新鮮，火腿厚薄適中，實夠食得飽。站在吧檯旁睇住沖奶茶，茶膽早沖好於熱水壺裡，徐徐倒入杯中，加埋奶，搞掂，茶味雖唔係濃厚，入口都算順喉。問心嗰句，論味道，幾好食，但更令人著迷的，是比食物味道更高層次的人情味，叫人總會想回來再食。