麗絲快餐店

Open Now

Now Closed

麗絲餐廳係華富二邨隱世小店見到有好多人幫襯特別係食飯時間 要等！店內位置唔多 好多都係叫外賣食今日叫咗一個茄汁牛扒飯😗打開得一塊牛扒 不過都唔算細嘅飯量正正常常每次食 佢哋都會送湯今日嘅湯係南瓜紅蘿蔔湯足料！好飲！

經外賣平台叫咗蘿蔔牛腩飯 & 蝦球伊麵。蘿蔔牛腩飯只有一嚿牛腩，其餘全部都係牛筋。另外個蝦球伊麵，實質係滑蛋蝦仁撈伊麵，個麵餅黐埋一舊，味道欠佳。我準時自取完拎埋上樓開嚟食只係5分鐘內嘅事，都已經咁難食，個牛腩飯簡直覺得被騙。由細喺度大，每年都會幫襯下，越來越認同佢所謂嘅老店情懷只係gimmick，因為實情係佢一離開華富邨就會生存唔到。第一次叫呢兩個飯，之前都係叫炒嘢、快餐為主，都冇咁離譜，今次真係徹底失望，我唔會再幫襯了。

一間由細食到大嘅港式茶餐廳，因為華富邨都幾年後會拆，佢哋都唔知仲做唔做，所以做一個食評紀念下😂。首先佢啲炒野真係好，有酒樓嘅鑊氣，重要過之而無不及….出名當然係佢嗰啲茶餐啦，今次要左個炸髀粗薯條同凍奶茶餐外賣，完全符合港式風味，佢隻雞髀造咗幾十年，雖然以我得知好似都轉過老細同啲廚房，但完全冇退步，咁大隻一樣每次都唔會唔熟，同埋好好好味⋯⋯大過我塊面🤣🤣🤣其餘冇記錯譬如出名牛脷飯啦白汁雞絲飯啊乾炒牛河豉椒牛河都非常好食。如果有時有機會嘅可以過嚟試吓，因為依啲港式茶餐廳真係越嚟越買少見少了…

平時起身都去食早餐，今日有少少轉變，知道佢哋原來早餐時間都可以落單嗌雞髀等咗大概15分鐘左右都未見嗌號碼，我就行埋去水吧位，阿姐冇出聲，見我企喺度就拎咗隻雞髀比我，證明佢哋好留心客人呢隻雞髀又多汁又大隻抵食，會再返嚟

一講到華富邨嘅餐廳，大家都會第一時間諗起華富北邨嘅麗絲快餐店！記得當年每次放學都會嚟食飯隻炸雞髀飲杯奶茶，之後先至落去華泰對出個籃球場度打波。咁所以今次到照板煮碗，試返當年嘅味道😎⠀⠀炸雞髀🍗($34) +凍奶茶🍼☕ ($16)⠀炸雞髀依舊都係生炸，而且仲係即叫即炸，生熟程度啱啱好，大細冇縮水，味道方面應該同以前冇乜分！勁正！🤤🤤而奶茶方面，依家嘅我已經冇辦法飲得咁甜，所以次次叫凍奶茶都會叫少甜。只不過今次話明係要來試返當年嘅味道，咁就當然要照舊叫返正常甜！味道雖然一樣，但個人口味始終變咗。🫠🫠⠀

忽然好想食炸雞髀，日月星又冇咗，見麗絲係十大雞髀快餐推薦之一就嚟試下。諗住老牌屋邨老牌茶餐廳應該唔會差，結果中哂伏，雞髀嘅賣相已經差強人意，食第一啖 —— 雞肉淡而無味，食第二啖 —— 雞皮唔脆，切入小小，發現裡面未熟，然後發現雞髀有血水滲出嚟，名乎其實「生」炸雞髀。其中一個店員話幫我「叮」返熟隻雞髀，我答「唔使啦」，因為雞髀已經唔好食，叮熟會更難食；之後有另一個店員見到只係食咗兩啖嘅雞髀，問我使唔使換過隻，我都係話「唔使啦」，以後唔再嚟就算。

#搞串個pantry又嚟到港島區#華富邨 💕，上次嚟到呢度食咗一間好懷舊嘅冰室☕️，今次嚟到就試另一間有43年歷史嘅快餐店🍔。我哋都好鍾意呢間快餐店嘅炸雞髀配薯條($46)下午茶🍟，下晝14:30開始有tea set。呢間餐廳裝修仍然保留左80年代嘅感覺，舖頭外牆，同埋內裏嘅枱凳都好有年代感🕰️。炸雞髀配薯條，紅豆冰(+$5)🌟🌟🌟🌟每一隻炸雞髀，都係即叫即炸，而且好大隻🔥！薯條用嘅係直身薯條🍟，粗幼度適中，不過份量就唔多。炸雞脾外皮炸到非常酥脆🍗，一食落口，就已經有好香炸嘢嘅味道，而入面嘅雞肉就好嫩滑，好juicy💦。而本身雞髀，有落少少鹽，所以食落都有少少咸咸地，點少少茄汁🍅會更好食。另一個出色嘅地方就係杯紅豆冰🫘！！只需要加多$5 ，就有一杯紅豆冰。紅豆煮到好腍，食落好充滿着紅豆嘅甜味🥤，成杯紅豆冰偏甜，不過呢個甜度好適合配埋炸雞髀。如果大家鍾意食炸雞脾嘅話，推薦大家可以嚟試吓呢一間懷舊快餐店🤩。同時，大家都可以嚟探索吓華富邨，呢度仲有一個隱閉嘅瀑布🌊，呢個瀑布好靚，亦都因為呢個瀑布，所以呢度亦都叫做#瀑布灣 🤯！

大過我塊面 厚過我塊面皮🔹特大炸雞髀🔹$34好快有得拎 唔係即叫即炸有啲擔心🫣，雖然唔是熱辣辣 但雞皮仲脆 OK啦～採取生炸做法 冇裹粉，確係超級巨型厚肉咁大隻 肉質唔係忽忽都嫩滑多汁，不過就算較遜色嘅部份都可以接受👌🏻 乾香乾香的 別有一番滋味除咗size之外 比其他炸髀出眾的，還有特重手嘅醃料調味，香草mix孜然粉嘅感覺🌿🧂拿捏到唔會過鹹🤌🏻 又顯得佢零舍有記憶點可能期望值太大，拿到上手又冇話特別驚艷，但論風味 點都贊成喺華富必食名店😉

係附近打完波 就同班波友去左華富村食個tea 大約4點幾到 唔太多人 細細個係華富番學已經成日食lunch 但十幾年都真係第一次食tea主菜： 炸雞脾配薯條首先炸脾既size 好大 同男人手掌一樣咁大 呢隻唔係用生粉去炸 係用一d 調味料搽係雞皮上再落油炸 雞皮脆得黎唔覺得油 而且調味料剛好 雞肉嫩滑 而且鎖住雞汁 好享受 薯條都係即叫即炸 所以得左好耐 差不多所有人都叫呢個 仲要係我最喜歡既呢種薯條 又粗又多薯味 加埋茄汁 一流 飲品：凍奶茶絲襪奶茶 好滑 唔會太甜 呢個餐差不多50蚊 唔算平 但夠料同埋好味

原址南區華富上邨，現位於華富邨的老字號良心快餐店——麗絲茶餐廳，於1975年開業，至今已逾40年歷史，因疫情曾停業一年半，重組後再開，未來可能因社區重建結業，既然剛好在附近爬山，必須乘機過去試試。😋生炸雞髀配薯條 🌕🌕🌕🌕🌑 46hkd有「香港雞髀大王」之稱的招牌生炸雞髀，選用巨型美國雞髀，僅雞髀皮邊微脆，似半煎炸，但雞髀肉嫩，調味也非常好。薯條是我們不喜歡的粗薯條，但炸得脆脆的。😋吉列豬扒意粉配黑椒汁 🌕🌕🌕🌕🌑 53hkd家人點蕃茄汁，但店員聽錯成黑椒汁，但不要緊，是正常的美味，意粉也是一般港式的軟淋意粉，沒特別。最重點的是上面的兩塊比手掌大的超巨型薄切炸豬扒，皮薄而極脆、肉嫩多汁，非常高質，但一定要趁熱吃，稍涼後開始有豬腥味及油溢味蜂湧而出。😋 西多士配糖漿 🌕🌕🌕🌕🌑 22hkd家人為我於煉奶及糖漿中選擇了糖漿，西多士不論是上面的牛油、糖漿，還是餐夾在中間的花生醬，味道都很好，牛油選用大大塊高質動物牛油，絲毫沒有偷工減料，超級「抵食」！唯一缺點是不脆，是軟淋的。😋 牛脷 🌕🌕🌕🌕🌕 44hkd煮得極度軟腍、入味，只有極輕微的肉臊味！超級高質！😞乾炒牛河走青 🌕🌕🌗🌑🌑 40er

華富邨稱為香港公屋嘅豪宅🏠，喺嗰度養老真係好舒服，每日對住個大海，而且唔去都唔知原來條村係咁大，當時去嗰度影相夜晚仲喺嗰度食埋飯先走，呢間麗絲快餐店聽聞都好出名，黑椒牛柳絲燴意粉黑椒汁係巨量，都有啲辣辣地，份量亦都啱啱好。

華富村多年既餐廳 之前食係幾好食既 最鍾意佢咖哩汁但依家唔知點解 越做越差咖哩汁叫多汁仲少過正常啲飯少到中學生都唔夠飽🥲幾十蚊個飯好似兒童餐甘，真係情願食其他 😤😤🥲🥲 聽電話果個女人又無禮貌

平時很少來到這區，朋友渣車突地來試試岀名的炒雞髀。很喜歡這些舊式茶餐廳的味道，由其是港式奶茶，發現現在很難再飲到這些味道，這杯奶茶茶底很香，又不會太多奶！炒雞髀很大隻，十分香口好食！見到有西多士又忍不住點來吃，西多士好食無驚喜。最滿意都是杯凍奶茶！

自稱雞髀大王，裝修擺設以橙、紅與白為主，牆上貼滿各款餐單，好多住華富邨嘅人都係由細食到大，即使搬離華富既中年人，都返黎呢度懷緬一番。雞髀入味，色澤金黃，油光滿滿，肉嫩多汁。茄汁意粉酸甜味適中。乾炒牛河，牛肉份量多，河粉爽口。每個餐仲配清甜中湯。

130009092022，我黎到華富邨既一間舊式快餐店，雖然不是我兒時去開個間，但模式大致相同。快餐店地方不大，但在門口位置都有幾張枱可以使用，入面坐位都是舊式快餐那款，橙色枱加上橙色膠椅，入內都是要先行購票再自行取餐。我點了是日快餐茄汁豬扒火腿香腸飯。快餐店上餐有幾快不用多講，先講茄汁顏色近橙色，味道少少甜同濃厚啲回憶返晒黎，豬扒不太厚是有骨豬扒，火腿香腸就冇咩講到，總之加埋就係兒時回憶。另外凍檸茶個茶味都幾好，還有青紅蘿蔔豬骨例湯