陳儀興飯店 (嘉悅)

Open Now

Now Closed

今晚家姐生日，佢話想食潮洲野，就揀左陳儀興飯店，因為而家晚上無堂食所以就外賣番去啦！其實之前都食過一次，不過就堂食，而家覺得好好食，諗住遲下再黎，今次幫家姐慶生日，又可以試下新菜🤣今次叫左個潮州蠔飯，同堂食一樣咁好食。覺得佢地有點好細心，就係佢地驚個蠔餅外賣會冧哂唔好食，專登係外賣盒開左個洞抖氣，勁貼心！當然啦，屋企食同堂食始終唔同，拎到番去點都冧過係堂食食，不過味道質素依舊保持水準！勁多蠔仔，料吹而且唔腥，正！另外叫左個糯米釀大腸，又係材料足，糯米非常香，油份十足，餸飯一流！跟住仲叫左個黃金雞軟骨，真係好好味，咸蛋味濃，加上雞軟骨脆脆的口感，即刻開左支啤酒餸🤣非常好的下酒菜！今次呢個外賣非常滿意，家姐都好滿意，仲要食到勁飽，樣樣都勁足料勁多，好抵食！