四眼仔腸粉

Open Now

Now Closed

入粉嶺一定要去聯和墟食下嘢，入聯和墟就一定要搵四眼仔食佢d小食，雖然以小弟愚見，佢d腸粉燒賣豬皮魚蛋牛肉球估計應該都唔係自家出品(如我有錯歡迎指證)，不過唔知道因爲乜嘢原因，佢嘅出品就真係好食d，總之就係食咗先講啦！首先想講一講嘅，就係佢嘅腸粉，夠滑，唔會黐埋一舊，食落去可以分到一層一層嘅感覺；第二樣要講嘅就係佢嘅魚蛋，佢賣嘅係細細粒嘅陳皮魚蛋，亦都係我最喜歡嘅魚蛋類別，有少少魚味唔會成舊都係粉，你懂的；跟住就輪到豬皮，一個字，「爽」，仲要吸晒腸粉嗰啲甜醬麻醬，你唔係話唔和味；接住落黎就到燒賣同牛肉球，我嘅評語係「不要浪費quota」。