賣撻

Open Now

Now Closed

屋企人生日，想食特別d既蛋糕，上網見到「賣撻」評價好高，就訂購富士一嚿雲試試。 首先，做型已經好靚，食之前加上綿花糖雲，打卡一流，連紅白藍保溫袋都好靚，又可以影多幾張相。🤭 薄荷朱古力好清涼，完全唔膩，曲奇撻底真係好好味，酥脆可口，我最鍾意。 已經推介比好多朋友，一定會再幫襯，試其他口味。老闆親切有禮，拎撻時仲請我食蝴蝶酥，好開心！😆 平時食蛋糕大家都怕肥，要切細細件，今次竟然大家食左都想encore，下次要買大個d. 第二日仲帶朋友去買現貨，細撻款式都好多，花多眼亂，朋友買左兩款，食過話要試埋其他口味！