深宵食堂

Open Now

Now Closed

部電腦突然間神神地，即刻約個朋友出九龍幫下眼，買過部新電腦作Home office 之用，順便食餐好嘅。上Openrice 睇咗一陣，揀咗呢間日式居酒屋，近地鐵站，食完可以即刻坐返地鐵返屋企。一入門口，店員幫我哋量體溫同埋比酒精搓手液我哋消毒雙手，都唔錯。呢度裝修幾得意，帶點日式🇯🇵風格，仲有好多招財貓😺😸。坐低咗，我哋叫咗啤酒🍺同可樂🥤先，買完部電腦又攰又口渴。兩個人好興奮咁點咗八樣嘢😂：汁燒白鱔🐟燒鱔係串燒之中我嘅至愛，師傅燒得好靚，熱辣辣，外脆入邊啲肉好彈牙，好味😋。一口牛🐂肉質唔係入口即溶嗰隻，有啲咬感，有牛肉味，好juicy。鹽燒雞翼🐓叫咗兩份🤗，一人一份，唔使爭，因為兩個都鍾意食燒雞翼，香脆嘅雞皮，嫩滑嘅雞肉，一啖鹽燒雞翼，一啖可樂，絕配，超推介👍。鹽燒鯖魚🐟魚肉厚身嫩滑，配以燒汁食。鹽燒秋葵吉列廣島蠔🦪一客有4隻大大隻嘅廣島蠔，炸得非常鬆脆可口，我見我朋友，好快食晒佢嗰兩隻。枝豆🥗黑松露🧆炒烏冬我好鍾意食炒烏冬，第一次試黑松露炒烏冬呢個配搭，彈牙嘅烏冬配以香香黑松露及什菌，唔錯喎。上菜好快，即叫即做，熱辣辣，全部都好好味，我哋兩個暴風式咁唔使一個鐘😆，食完個晚餐，好滿足。