鼎泰豐

Open Now

Now Closed

自從covid之後,都有起碼成兩年冇去過台灣，台灣嘅鼎泰豐小籠包，差唔多每次去台灣都會去食。今晚咁岩要去灣仔睇話劇，睇之前又諗唔到食咩好，就去銅鑼灣搵吓有咩嘢好食，經過鼎泰豐見唔使等位，就去尋找下台灣嘅味道，食咗當去咗。當然叫咗小籠包，鮮蝦炸春卷，炸豬扒同埋豆沙小包。小籠包，皮薄多汁，一籠六個，兩個人食有啲唔夠喉。鮮蝦炸春卷，有驚喜，雖然其貌不揚，味道唔錯。炸豬扒好好味，有好似食緊台灣便當幸福嘅感覺。豆沙小包，又係每次去鼎泰豐必要嘅，唔會太甜，好香豆沙味。