大街餐廳由Coca-Cola®呈獻

Open Now

Now Closed

今日我們去咗迪士尼樂園玩，喺睇完夜間光影匯巡遊之後，我們揀咗去「大街餐廳Corner Cafe」食晚飯！我們叫咗香烤肉眼扒、烤焗豬肋骨同燒春鷄！香烤肉眼扒烤得非常好，肉質相當嫩滑同多汁，肉味好濃郁！烤焗豬肋骨嘅肉質相當腍，醬汁嘅味道調教得恰到好處，唔會太鹹或太淡！燒春鷄嘅鷄皮幾香口，鷄肉嘅肉質非常嫩滑彈牙！特色飲品我們叫咗爆谷奇脆杯、焦糖雪糕浮冰同光影魔法！各有各特色，值得一試！最後係甜品，我們叫咗米奇窩夫拼盤配雜錦草莓，窩夫係米奇個樣嚟㗎，賣相非常精緻可愛同吸引，令到我有啲唔捨得嘅感覺！窩夫嘅餅質相當香脆，夾喺中間嘅忌廉唔會太甜！係本人嘅必食推介！最後值得一讚嘅係店員嘅服務非常好，好有禮貌！