相馬日式火鍋 (Closed)

火炭呢個美食沙漠都有火鍋放題，相馬呢間分店開得好！放工就可以黎食啦！泡菜湯🫕今次湯底我哋揀咗泡菜湯，泡菜好多，好濃味，係正宗既韓國泡菜，酸同辣好夾，啱啱好，做湯底岩晒！特選美國牛肩胛🐄啲牛肉好靚，質素好好，係比較新鮮既牛肩胛，唔會食到好重雪味，肉質好好，牛味好濃，好好食！優質豚肉🐖啲豬肉好靚，係豬入邊好靚嘅部位去切出嚟，肥瘦好均勻，口感好好，放落泡菜湯到好夾，好似喺韓國食緊咁！日式炸物🥟🍤估唔到呢度日式炸物都係好多款，仲要全部新鮮炸起，我鍾意佢哋嘅蝦春卷同埋蝦多士，好鮮味又脆，好好食。