菲菲麵館 (Closed)

星期日去觀塘區的工廠大廈樓上開餐，本來搵了一間食泰式海南雞飯的小餐廳，但原來同一層有檔車仔麵，還要是同一個老闆，只不過是另一個舖位。結果小公主同太太食海南雞飯，筆者就食車仔麵。可能餐廳新開張不久，亦可能因為係星期六，附近寫字樓全部不用上班，整個午飯時段就只有兩個客人。雖然只是車仔麵，但竟然有長者優惠，也響應環保；實在相當難得。先用 marker pen 在一大張過膠（可循環再用）車仔麵點餸單上選擇所喜歡的湯底、粉麵及餸菜款式，然後排隊俾錢，再望著電視屏幕上的號碼等候。款式選擇非常多，接近難以置信，湯底有6款口味，車仔餸甚至有接近80款、就算是蔬菜都有8至10款。其中部份車仔餸即使牛雜檔都未必有得供應，就算有，一般人都未必夠膽吃：牛鞭、牛波子肯定是當中的特色牛雜。本來要了豬大腸、豬紅、牛肚及蘿蔔，但車仔麵剛剛開舖，豬大腸竟然尚未準備妥當，退而求其次改了牛腩。湯底穩穩陣陣揀了清雞湯，麵條選擇方面則一如以往的習慣，揀了油渣麵。整碗車仔麵的賣相與一般食開的並不相同，湯底顏色很淺、亦很清澈；車仔餸也切得大大嚿（除了豬紅因為先天性容易碎開之外）。從來唔會要求或預期車仔麵的湯底真材實料，部份出名的車