翠華餐廳 (Closed)

話說今日要去拆駁髮兼整頭髮，咁就搞到餓餓地（午餐都冇食）咁去到尖沙咀見有時間想去食啲野先啦，費事一陣整太夜會餓嘛。入到翠華，下午茶時間，唔算多人，是但搵張枱坐低就叫野食。咁翠華不嬲價錢略貴，我叫左個餐蛋治烘底加杯凍檸茶，5，60$左右，諗住食少少就夠，點知一黎到我真係呆左超級大份囉大佬呀！睇相唔夠震撼呀，我食左一件咋！就已經飽飽地..（利申：唔係細食戈啲人）個三文治既蛋係超級厚，而且係好味唔會炒到好老咁，呢樣我又覺得的確係普通茶餐廳廿幾三十蚊既三文治都比唔上既。好食，我覺得價錢都算合理。杯凍檸茶甜度適當、唔會太澀或太甜下午茶去歎一歎都算唔錯。