一風堂 (德福廣場) (Closed)

初次食一風堂，係在大阪嘅街頭，冒住寒風，排咗大半個鐘，然後食到一碗熱辣辣，湯底濃郁嘅拉麵，感覺真係好滿足！.疫情下嘅香港，而家食一風堂唔使排隊，但食到嘅依然係滿足嘅感覺😍.照舊食我最愛嘅赤丸，半肥瘦嘅叉燒好入味，做到入口即融嘅感覺，但跟機只得兩片實在唔夠喉🤣.拉麵嘅麵質掛湯、彈牙，湯底濃度適中，唔會漿口亦唔會感覺太淡，恰到好處，食咗簡直當自己去完一轉日本🤩.呢度嘅service亦都好好，店員推介我地食套餐，有小食同飲品，又真係抵食啲喎！同埋店員好有禮貌，加晒分，值得encore再encore🥳